ირაკლი ციხისთავი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1952 წელს; 1945-1946 წწ. სწავლობდა ი. ბ. სტალინის სახელობის თბილისის სახელმწიფო უნივერსიტეტში ფიზიკა-მათემათიკის ფაკულტეტზე, მათემატიკის განხრით; 1952-1957 წწ. სწავლობდა ი.ბ. სტალინის სახელობის თბილისის სახელმწიფო უნივერსიტეტში სამართალმცოდნელობის ფაკულტეტზე.

სამედიცინო ინსტიტუტის დამთავრების შემდეგ მუშაობდა პრაქტიკოს-ქირურგად 55 წლის მანძილზე; აქედან, მისი 50-წლიანი მოღვაწეობა უშუალოდ ქალაქის 1-ლი კლინიკური საავადმყოფოს ქირურგიულ განყოფილებასთან იყო დაკავშირებული; 1953-1954 წწ. მუშაობდა ბათუმის სასწრაფო დახმარების სადგურში ექიმის თანამდებობაზე და, იმავდროულად, იყო ექიმი-ორდინატორი აჭარის რესპუბლიკური საავადმყოფოს ქირურგიულ განყოფილებაში; ბათუმში მუშაობდა აჭარის მთავარი ქირურგის, მედიცინის მეცნიერებათა დოქტორის, პროფესორ ვარლამ (ვალია) გიორგაძის უშუალო ხელმძღვანელობით; იმავე პერიოდში, სამეცნიერო შრომები გამოაქვეყნა აჭარის ექიმთა სამეცნიერო საზოგადოების შრომათა კრებულში (კვირისთავის მოტეხილობა და მისი მკურნალობა, კუჭის რეზექცია და სხვ.); 1954-1955 წწ. მუშაობს ექიმის თანამდებობაზე და ადიგენის რაიონული ჯანმრთელობის განყოფილების საექიმო უბნის გამგის მოვალეობას ასრულებს ადიგენის რაიონის სოფ. ჭეჭლაში; 1955 წლიდან თბილისში გადადის სამუშაოდ. ის ექიმის თანამდებობაზე ა/კ სამხედრო ოლქის პოლიკლინიკაში იწყებს მუშაობას, იმავდროულად (1955 წ.), პირველი ქირურგიული კლინიკის ორდინატორია თბილისის ექიმთა დახელოვნების ინსიტუტში; 1956 წლიდან იგი ქირურგის თანმდებობაზეა და ქირურგიული განყოფილების გამგეა თბილისის ორჯონიკიძის რაიონული ჯანდაცვის განყოფილების მე-6 რაიონული საავადმყოფოში; 1956-2006წწ. მუშაობდა ქალაქის 1-ლ კლინიკურ საავადმყოფოში, ექიმი-ქირურგის თანამდებობაზე, ჯერ მიმღებ განყოფილებაში (1956-1973 წწ.), შემდეგ III ქირურგიულ (1973-1988 წწ.), გასტროენტეროლოგიურ განყოფილებებსა (1989-1992 წწ.) და ბოლოს, საავადმყოფოს ბაზაზე შექმნილ II ზოგად ქირურგიულ კლინიკაში (1996-2006 წწ.); 1991 წლიდან, ქალაქის 1-ლ კლინიკურ საავადმყოფოში მუშაობის პარალელურად, ის ექიმი-ქირურგის თანამდებობაზე მუშაობს საქართველოს  სამედიცინო (სანიტარული) ავიაციის სასწრაფო გადაუდებელი დახმარების სამსახურში; 1980-1989 წწ. სასამართლო სამედიცინო ექსპერტად და 1991-1996 წწ. საქართველოს სამედიცინო (სანიტარული) ავიაციის სასწრაფო დახმარების სამსახურში გადაუდებელ ქირურგად; 1990-იანი წლებიდან აქტიურად იღწვოდა ექიმთა და სამედიცინო პერსონალის სამუშაო პირობების გაუმჯობესებისა და მათი უფლებების დაცვისთვის სამართლებრივი კუთხით; ირაკლი ციხისთავმა ექიმის ვალი პირნათლად მოიხადა აფხაზეთის შეიარაღებული კონფლიქტის დროს 1993 წელს; მისი ასობით აღსაზრდელთა შორის ქართველ ქირურგთა საზოგადოებას შეემატა მრავალი ცნობილი სპეციალისტი; 1968-2006წწ. საზოგადოებრივ საწყისებზე აქტიურად მუშაობდა კოოპერატივ "ბინმშენში", სადაც წლების მანძილზე იგი იყო გამგეობის წევრი, გამგეობის თავმჯდომარე და როგორც იურისტი, წარმოადგენდა ორგანიზაციას. ქირურგი.

წყარო: ka.autograndad.com