ვასილ ჯორჯაძე

დაბადების ადგილი: ქ. თბილისი.

დაამთავრა თბილისის კადეტთა ქვეითი სასწავლებელი 1901 წელს.

სპეციალური სამხატვრო განათლება არ მიუღია; სამხედრო სასწავლებელში ხატვას ასწავლიდა ოსკარ შმერლინგი; 1914 წელს სახვითი ხელოვნების წამახალისებელი კავკასიურ საზოგადოებამ თბილისში ჯორჯაძის პერსონალური გამოფენა მოაწყო; 1914-1918წწ. I მსოფლიო ომის წლებში იყო თბილისის გრენადერთა პოლკოს პოდპოლკოვნიკი. იბრძოდა ჯერ თურქეთის, შემდეგ გალიციის ფრონტზე. დაიჭრა და ტყვედ ჩავარდა. 1918 წელს საქართველოშო დაბრუნდა; 1919-1920წწ. მონაწილეობდა საქართველოს სამხატვრო საზოგადოების გამოფენებში; 1921 წლიდან ემიგრაციაში იყო; ცხოვრობდა პარიზში. 1925 წელს პარიზში მოღვაწე ქართველ მომღერალთა გუნდისთვის შექმნა ძველ ქართული კოსტუმები; 1926 და 1945-1953წწ. იყო დამოუკიდებელ მხატვართა საზოგადოების ("დამოუკიდებელთა სალონი") წევრი; 1945 წელს მისი ნამუშევრები წარმოდგენილი იყო პარიზში გამართულ რუს მხატვართა და მოქანდაკეთა გამოფენაზე; ჯორჯაძის ნამუშევრები დაცულია საქართველოს ეროვნული მუზეუმის ხელოვნების მუზეუმში (1958 წელს შესწირა მხატვრის დამ, მუსიკოსმა თამარ ჯორჯაძემ), თბილისის ისტორიის მუზეუმში ("ქარვასლა") და საზღვარგარეთის კერძო კოლექციებში. რუსეთის იმპერიის არმიის პოდპოლკოვნიკი.

წყარო: მხატვარი ვასილ ჯორჯაძე / ნინო ოქროსცვარიძე. - თბ., 2010

• სახვითი ხელოვნების წამახალისებელი კავკასიური საზოგადოება, წევრი