დავით დვალი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ქიმიის ფაკულტეტი, ფიზიკური ქიმიის სპეციალობით 1987 წელს; 1987-1989წწ. სწავლობდა ფიზიკური ქიმიის ინსტიტუტის ასპირანტურაში.

სამაუწყებლო კომპანია "რუსთავი 2-ის" ერთ-ერთი დამფუძნებელი და პირველი ასტროფოტოგრაფი საქართველოში. მან დააფუძნა მოყვარული ასტროფოტოგრაფების ჯგუფი, სახელად Geo-Astro; 1994 წელს ქალაქ რუსთავში დააარსა სამაუწყებლო კომპანია "რუსთავი 2", რომელიც მოკლე დროში საქართველოს ყველაზე პოპულარული ტელევიზია გახდა; 1994-1996წწ. ეკავა კომპანიის ტექნიკური დირექტორის პოზიცია; 1996-2000 წწ. იყო "რუსთავი 2"-ის გენერალური დირექტორი; 2000 წელს თავის პარტნიორებთან ერთად დააფუძნა და სათავეში ჩაუდგა სატელეკომუნიკაციო კომპანია "ჯორჯია ონლაინს", რომელიც სულ მალე საქართველოს ინტერნეტ ბაზრის ლიდერი გახდა; არის რამდენიმე სხვადასხვა პროფილის კომპანიის მფლობელი; 2014 წლიდან აქტიურად არის დაკავებული საქართველოში სრულიად ინოვაციური დარგით - ასტროფოტოგრაფიით; მისმა ნამუშევრებმა გაიმარჯვეს მრავალ კონკურსში, მოიპოვეს საერთაშორისო აღიარება, მიღებული აქვს მრავალი ჯილდო; მისი თაოსნობით შეიქმნა ჯგუფი "ჯეო-ასტრო", რომლის მიზანია საქართველოში ასტრონომიის პოპულარიზაცია, პრეზენტაციებისა და შეხვედრების მოწყობა, ღია ცის ქვეშ ლექციების ჩატარება და სხვა; მის ფოტოებს აქვს საერთაშორისო გამოხმაურებები; ასტროფოტოგრაფთა საერთაშორისო საიტ Astrobin-ზე ის ამჟამად მეოთხე ადგილზე იმყოფება; მისმა ექვსმა ასტროფოტომ დაიმსახურა Image Of The Day-ს სტატუსი ამ საერთაშორისო საიტზე; მას მრავალჯერ აქვს აღებული AAPOD (Amateur Astronomy Picture Of the Day)-იც; პირველი ქართველი ასტროფოტოგრაფი.

წყარო: ჟურნალი "National Geographic საქართველო": nationalgeographic.ge