თემურ ჩილაჩავა

დაბადების ადგილი: გულრიფში.

დაამთავრა ვ. კომაროვის სახელობის თბილისის ფიზიკა-მათემატიკური სკოლა 1975 წელს (ოქროს მედალზე); მიხეილ ლომონოსოვის სახელობის მოსკოვის სახელმწიფო უნივერსიტეტი მექანიკა-მათემატიკის ფაკულტეტი 1980 წელს.

1984 წელს მოსკოვის სახელმწიფო უნივერსიტეტში დაიცვა საკანდიდატო დისერტაცია აკადემიკოს ლეონიდე სედოვის ხელმძღვანელობით; 1998 წელს თბილისის სახელმწიფო უნივერსიტეტში დაიცვა სადოქტორო დისერტაცია ფიზიკა-მათემატიკის მეცნიერებათა დარგში; კითხულობდა ლექციებს მოსკოვის, სანკტ-პეტერბურგის, სოხუმის, თბილისის, ილიას, საქართველოს საპატრიარქოს წმინდა ანდრია პირველწოდებულის სახელობის ქართულ უნივერსიტეტებში; არის სოხუმის სახელმწიფო უნივერსიტეტის გამოყენებითი მათემატიკის მიმართულების ხელმძღვანელი და საქართველოს ეროვნული უნივერსიტეტის პროფესორი; მისი კვლევის თემა: ასტროფიზიკისა და აკუსტიკის ამოცანების მათემატიკური მოდელირება; მოდელირება ეკოლოგიაში და სოციალურ მეცნიერებებში; თ. ჩილაჩავას სამეცნიერო ხელმძღვანელობით დაცულია 10 სადოქტორო დისერტაცია. ფიზიკა-მათემატიკის მეცნიერებათა დოქტორი (1998), პროფესორი (2000). 1983 წლიდან გამოქვექნებული აქვს 180-ზე მეტი სამეცნიერო ნაშრომი. არის ივ. ჯავახიშვილის სახელობის თბილისის სახელმწიფო უნივერსიტეტის აკად. ილია ვეკუას სახელობის გამოყენებითი მათემატიკის ინსტიტუტის აკად. ილია ვეკუას სამახსოვრო მედლის მფლობელი (2022). 

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.54-55; სოხუმის სახელმწიფო უნივერსიტეტი: elibrary.sou.edu.ge

• საქართველოს განათლების მეცნიერებათა აკადემია, წევრი
• საქართველოს საბუნებისმეტყველო მეცნიერებათა აკადემია, წევრი
• ფაზისის აკადემია, წევრი (2001-)
• ცხუმ-აფხაზეთის მეცნიერებათა აკადემია, აკადემიკოსი
• ცხუმ-აფხაზეთის მეცნიერებათა აკადემია, პრეზიდენტი (2021-)

• მათემატიკური მოდელები ეკონომიკაში (ავტორი). - თბილისი, სოხუმის სახელმწიფო უნივერსიტეტი, 2018. - 178გვ.
• მათემატიკური მოდელები ეკოლოგიასა და მედიცინაში : სახელმძღვ. სტუდ. (თანაავტორი). - თბილისი, ინოვაცია, 2011. - 336გვ. . - ISBN: 9789941037061
• მათემატიკური მოდელირება (ავტორი). - თბილისი, ინოვაცია, 2008. - 440გვ.. - ISBN: 9789941007460