ოთარ ჯოხაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი 1978 წელს; ა. რაზმაძის მათემატიკის ინსტიტუტის, მათემატიკური ფიზიკის განტოლებების განყოფილების ასპირანტურა - 1982 წელს.

1996-2006წწ. თბილისის სახელმწიფო უნივერსიტეტი, მიწვეული პროფესორი; 2008-2009წწ. - ამავე უნივერსიტეტის ასისტენტ პროფესორი; 2009 წლიდან - ასოცირებული პროფესორი; 1996-2000წწ. - საქართველოს ტექნიკური უნივერსიტეტი, მიწვეული პროფესორი; 2007-2009წწ. - ილიას სახელმწიფო უნივერსიტეტი, მიწვეული პროფესორი; 1982-1986წწ. - ა. რაზმაძის მათემატიკის ინსტიტუტი, უმცროსი მეცნიერ-თანამშრომელი; 1986-1990წწ. - ა. რაზმაძის მათემატიკის ინსტიტუტი, მეცნიერ-თანამშრომელი; 1986-2000წწ. - უფროსი მეცნიერ-თანამშრომელი; 2000-2006 - წამყვანი მეცნიერ-თანამშრომელი; 2006 - 2018წწ. - უფროსი მეცნიერ-თანამშრომელი; 2018 წლიდან ა. რაზმაძის მათემატიკის ინსტიტუტი, მთავარი მეცნიერ-თანამშრომელი. კვლევის თემა: სასაზღვრო ამოცანები მაღალი რიგის წრფივი ჰიპერბოლური განტოლებებისა და სისტემებისათვის. მიღებული აქვს ა. რაზმაძის მათემატიკის ინსტიტუტის რამდენიმე სამეცნიერო პრემია. ფიზიკა-მათემატიკის მეცნიერებათა დოქტორი (1999), პროფესორი (2004).

საკანდიდატო დისერტაციის თემა - "საწყის-მახასიათებელი ამოცანები ჰიპერბოლური და შერეული ტიპის კვაზიწრფივი განტოლებებისათვის", დაიცვა 1983 წელს; სადოქტორო დისერტაციის თემა - "სასაზღვრო ამოცანები მაღალი რიგის წრფივი ჰიპერბოლური ტიპის განტოლებებისა და სისტემებისათვის", დაიცვა 1999 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.67; თბილისის სახელმწიფო უნივერსიტეტი: tsu.ge