
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ნუნუ გელაძე

Date of birth:	3 June, 1955 (69 years)
Category:	Translator, Writer, Educator, Journalist, Public Man, Philologist

Biography

დაიბადების ადგილი: ქ. ახალციხე.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი.

მუშაობდა ჟურნალ "დროშას" შტატგარეშე კორესპონდენტად; სხვადასხვა დროს მუშაობდა გაზეთ "ეკრანის ამბების", ჟურნალ "ახალი ფილმების" მთარგმენლად და კორესპონდენტად, ჟურნალისტთა კავშირის ფოტოპოლიგრაფსტუდიის რედაქტორად, ჟურნალ "დროშის" ლიტერატურულ მუშაკად, ტელეარხ TV7-ის რედაქტორად; პარალელურად ეწეოდა პედაგოგიურ და მთარგმნელობით საქმიანობას; იმ პერიოდში იტალიურიდან და რუსულიდან ქართულად თარგმნილი აქვს არაერთი კლასიკოსისა და თანამედროვე მწერლის მოთხრობები, ესეები და ლექსები; მუშაობდა თბილისის ვ. ესვანჯიას სახელობის იტალიურ სკოლა "ცისკარში" პედაგოგად; 2001 წლიდან ცხოვრობს იტალიაში და აქტიურად ეწევა ქართული კულტურის პოპულარიზაციას, მონაწილეობს იტალიის სხვადასხვა ქალაქში გამართულ პოეზიის საერთაშორისო ფესტივალებში, კონფერენციებსა და სიმპოზიუმებში; იტალიურად თარგმნილი და გამოცემული აქვს თანამედროვე ქართველი პოეტების ლექსთა კრებულები; 2005 წელს ღვაწლმოსილ ემიგრანტთან ნინო ყაუხჩიშვილთან ერთად მილანში დააარსა ქართულ-იტალიური საზოგადოება "სამშობლო გულით სატარებელი", რომლის თავმჯდომარეა 2011 წლიდან; იტალიის სხვადასხვა ქალაქში სამოცზე მეტი მნიშვნელოვანი ღონისძიება, კონცერტი, გამოფენა თუ კონფერენცია გამართა; პირველად იტალიაში დასტამბა ასგვერდიანი ორენოვანი ილუსტრირებული ჟურნალი "ა ორიენტე", რომელიც სახელოვანი ქართველი და იტალიელი ავტორების სამეცნიერო ნაშრომებსა თუ მხატვრული ლიტერატურის ნიმუშებს მოიცავს; ამ საზოგადოებამ დათო მაღრაძის პოეტური კრებულის "სალვეს" (მთარგმნ. ნუნუ გელაძე), თანამედროვე ქართველ პოეტთა ანთოლოგიის "ვაზი და კალამი" (მთარგმნ. ნუნუ გელაძე), "ვეფხისტყაოსნის" პოეტური თარგმანის (მთარგმნ. ანტონიო ბონელი), დათო ტურაშვილის "ჯინსების თაობის" (მთარგმნ. ქეთი ჩარკვიანი), თეონა დოლენჯაშვილის "მემფისის" (მთარგმნ. მანანა ტოფაძე) პრეზენტაციები მოაწყო; ის მუშაობს კულტურათაშორის მედიატორად და უცხოელთათვის იტალიური ენის შემსწავლელთა კურსის პედაგოგად; იტალიურიდან და რუსულიდან თარგმნილი აქვს: ფრანცისკ ასიზელის, ჯოვანი პაოლო II-ის, ალბერტომორავიას, ალდო პალაცესკის, იტალო კალვინოს, სალვატორე კუაზიმოდოს, ტონინო გუერას, უმბერტო ეკოს, ლეონარდო შაშას, დინო ბუცატის, ჯოვანი პაპინის, ჩეზარე პავეზეს, ვინჩენცო კარდარელის, ელზა მორანტეს, ალესანდრო ბარიკოს, მარიო ლუცის, დავიდე რონდონის, ჯულიანო ლადოლფის, დონატელა ბიზუტის, კლაუდიო პოცანის, იური ნაგიბინის, კარინა ზურაბოვას, ანა ახმატოვას ნაწარმოებები.
ქართულიდან იტალიურ ენაზე თარგმნა და გამოსცა დავით მაღრაძის ხუთი პოეტური კრებული; თარგმნა ანა კალანდაძის, ოთარ ჭილაძის, ვახტანგ ჯავახაძის, იზა ორჯონიკიძის, ჯანსუღ ჩარკვიანის, ბესიკ ხარანაულის, ლია სტურუას, გივი ალხაზიშვილის, ბორენა ჯაჭვლიანის, თამაზ ბაძაღუას, გიგი სულაკაურის, ელა გოჩიაშვილის, მარიამ წიკლაურის, ზვიად რატიანის, რეზო გეთიაშვილის, ლელა სამნიაშვილის, მანანა ჩიტიშვილის, მაყვალა გონაშვილის, კობა არაბულის, ბაღათერ არაბულის, ნუციკო დეკანოზიშვილის, კატო ჯავახიშვილის, ლია ლიქოკელის, გიო არაბულის ლექსები. მიღებული აქვს ჯილდოები: ევროპის საერთაშორისო პრემია "წლის საუკეთესო ქალი იტალიური კულტურის დივულგაციისა და პედაგოგიურ და სოციალურ სფეროებში დაუღალავი შრომისათვის, ხალხთა შორის მეგობრობასა და ძმურ ურთიერთობაზე მუდმივი ზრუნვისათის" (2006); შვეიცარიის "მშვიდობის უნივერსიტეტისა" და საერთაშორისო ორგანიზაცია "უნივერსუმ ზვიცერლანდის" "მშვიდობის ელჩის" (2013) წოდება, 2016 წელს საქართველოში მიენიჭა ჯილდო "წარმატებული ქართველი ქალი საზღვარგარეთ"; ქართული პოეზიის იტალიაში პოპულარიზაციისთვისა და ქალაქ ორტა სან ჯულიოში პოეზიის საერთაშორისო ფესტივალის, სახელწოდებით "პოეტები ტბის გარშემო", ოცწლიანი თანამშრომლობისათვის მიენიჭა მთარგმენლის პრემია და გადაეცა ალესის კოლექციის ვერცხლის თასი (2020).

წყარო: საინფორმაციო პორტალი: news.ge; armuri.georgianforum.com

Bibliography

ხმები : რომანი (Translator). - თბილისი, საგა, 2019. - 290გვ.. - ISBN: 9789941962783
ემიგრანტის წერილი - 2018 : პროზა, პოეზია, თარგმანები:კრებული (Translator). - თბილისი, 2019. - 146გვ.. - ISBN: 9789941813689
მოწმობა : კრებული (Translator). - თბილისი, საარი, 2017. - 52გვ.. - ISBN: 9789941461682
ჩრდილების მარში : ლექსები (Translator). - თბილისი, საარი, 2014. - 64გვ.. - ISBN: 9789994060702
დოლომიტიდან კავკასიონადე = Dalle Dolomiti al Caucaso : დაგვიანებული წერილები (Co-Author). - თბილისი, დიოგენე, 2001. - 64გვ.. - ISBN: 99928-59-86-5