ნინო ჩხეიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ტელე-ჟურნალისტიკის ფაკულტეტი 2002 წელს; სწავლა გააგრძელა მაგისტრატურაში იგივე განხრით.

მისი პირველი სიმღერაა მაცაცო სებისკვერაძის "ჩემი გული შენია"; 2005 წელს დაიწყო ქალაქური სიმღერების ჩაწერა, სადაც ჩაწერა ძველი ქალაქური სიმღერა "ჩემი გმირი გიწოდე". შემდეგ ჩაწერა მარეხ გოძიაშვილის "წაღვერი და თბილისი"; 2006 წელს გამოვიდა მისი პირველი სტუდიური ალბომი, სადაც შესული იყო 12 ძველი ქალაქური სიმღერა;  2007 წელს გამოვიდა მეორე ალბომი "უშენოდ"; 2008 წელს გამოვიდა კიდევ ორი ალბომი "ვიცი გიყვარვარ" და საახალწლოდ ამავე წელს გამოუშვა კიდევ ერთი ალბომი "საუკეთესო სიმღერების კრებული"; 2008 წელს გადაიღო ორი ვიდეო რგოლი სიმღერებზე "სანთელივით დავდნები" და "ვიცი გიყვარვარ" რამაზ ჩაჩანიძის რეჟისორობით; 2008 წლის 17 დეკემბერს გახსნა თავისი ხმის ჩამწერი სტუდია "ნიო სტუდიო"; 2009 წელს გამოვიდა კიდევ ორი ალბომი: ალბომი "5" და ასევე "კარაოკე"; 2010 წელს გამოვიდა ალბომი "გამახარე"; 2010 წელს ის გახდა რადიო "აფხაზეთის ხმის" მუსიკალური ხელმძღვანელი; 2011 წელს გამოვიდა ალბომი "მიყვარხარ ცამდე"; 2011 წელსვე მან გადაიღო კიდევ ერთი ახალი ვიდეო რგოლი, დუეტი ნინო ჩხეიძე და კაბუ "მიყვარხარ ცამდე", რომლის რეჟისორი იყო ზურა მენთეშაშვილი;  2012 წელს ტელეკომპანია "იმედმა" მიიწვია პირველ მეგა-პროექტ ახალ ქართულ ხმაში ერთ-ერთ მწვრთნელად; 2013 წელს გამოვიდა ალბომი "ნინო ჩხეიძე"; 2014-2017წწ. იყო საავტორო მუსიკალური TV პროექტის — "საქართველოს ფანოღის" იდეიისა და პროექტის ავტორი; 2015 წელს გამოვიდა კიდევ ერთი ახალი ალბომი "ნინო ჩხეიძე mp3", სადაც შესულია მისი საუკეთესო სიმღერები; 2015 წელს გამოვიდა ალბომი "ნინო ჩხეიძე დუეტები", სადაც შესულია დუეტები; 2016 წელს გამოვიდა ახალი ალბომი "ყველაფერი ხდება"; 2016 წელს შექმნა ბრენდი, რომელსაც დაარქვა "NIO" და აწარმოებს ბრენდირებულ ქუდებს; 2017 წელს გამოვიდა ალბომი "ნინო ჩხეიძე". 2018 წელს მიიღო მონაწილებოა პროექტ "ცეკვავენ ვარსკვლავებში"; 2018 წელს შექმნა მუსიკალური ბენდი "NIO ბენდი"; მისი რეპერტუარი ქალაქურ ფოლკლორს, ეთნო და პოპ-მუსიკის ელემენტებს შეიცავს.

წყარო: ninochkheidze.ge