დავით კერესელიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი, ეკონომიკური და სოციალური გეოგრაფიის სპეციალობით 1981 წელს; თბილისის სახელმწიფო უნივერსიტეტის საერთაშორისო ურთიერთობების მეორადი ფაკულტეტი 1980 წელს.

უნივერსიტეტის დამთავრების შემდეგ 1983 წლამდე მუშაობდა საქართველოს ეკონომიკისა და სამართლის ინსტიტუტში მეცნიერ-თანაშრომლად; 1983-1988 წლებში გაიარა მოსკოვის მსოფლიო ეკონომიკისა და საერთაშორისო ურთიერთობათა ინსტიტუტში ასპირანტურის კურსი საერთაშორისო ეკონომიკური და პოლიტიკური ურთიერთობების განხრით. მიღებული აქვს დოქტორის წოდება; დიპლომატიურ სამსახურში შესვლამდე ეწეოდა კომერციულ საქმიანობას: 1989–1990წწ. იყო საქართველოს საგარეო ვაჭრობის ასოციაცია "გრუზიმფექსის" დირექტორი; 1991–1993წწ. შპს "ტრანსსერვისის" კომერციული დირექტორი; დიპლომატიური კარიერა: 1993 წლიდან ეწევა დიპლომატიურ საქმიანობას; საქართველოს საგარეო საქმეთა სამინისტროში ეკავა სხვადასხვა თანამდებობები: 1993-1994წწ. საერთაშორისო ეკონომიკურ ურთიერთობათა დეპარტამენტის მრავალმხრივი ეკონომიკური ურთიერთობების განყოფილების უფროსი; 1994-1996წწ. საერთაშორისო ეკონომიკურ ურთიერთობათა დეპარტამენტის დირექტორის მოადგილე; 1996-1999წწ. საქართველოს საელჩო საბერძნეთის რესპულიკაში, დესპანი; 1996-2006წწ. საერთაშორისო ეკონომიკისა და ჰუმანიტარულ ურთიერთობათა დეპარტამენტის დირექტორი; 2006 წლის 1 ივნისიდან არის საქართველოს ელჩი დანიისა და ნორვეგიის სამეფოებში და ისლანდიის რესპუბლიკაში; ააქტიურ მონაწილეობას იღებდა სხვადასხვა მნიშვნელოვან კონფერენციებსა და მოლაპარაკებებში, მათ შორის: გაეროსა და გაეროს აზიისა და ოკეანიის ქვეყნების ეკონომიკური და სოციალური კომისიის ფარგლებში უმაღლესი დონის მოსამზადებელი შეხვედრებიშავი ზღვის ეკონომიკური ორგანიზაციის საგარეო საქმეთა მინისტრების, მაღალი თანამდებობის პირთა და შესაბამისი სტრუქტურების ოფიციალური შეხვედრები; 1997-2005წწ.  შავი ზღვის ვაჭრობისა და განვითარების ბანკის საქართველოს მმართველის მოვალეობის შემსრულებელი; 1996–2006წწ. საქართველოს შავი ზღვის საერთაშორისო ცენტრის დირექტორთა საბჭოს დირექტორი (ათენი); ბაქო-თბილისი-ჯეიჰანის ნავთსადენებისა და კასპის გაზსადენის პროექტების მოლაპარაკებები ჯგუფის წევრი – ანკარა, თურქეთი – 1999 წელი; კასპის გაზსადენის პროექტების მოლაპარაკებები – ჯგუფის წევრი – აშხაბადი, თურქმენეთი – 2000 წელი; კასპის გაზსადენის პროექტების მოლაპარაკებები – ჯგუფის წევრი – თბილისი, საქართველო – 2000 წელი; 2006-2011 წლებში საქართველოს საგანგებო და სრულუფლებიანი ელჩი დანიისა და ნორვეგიის სამეფოებში და ისლანდიის რესპუბლიკაში. მინიჭებული აქვს საგანგებო და სრულუფლებიანი ელჩის დიპლომატიური რანგი. 2011-2014წწ. შავი ზღვის კვლევების საერთაშორისო ცენტრის (CBSS)  (ათენი) ალტერნატიული გენერალური დირექტორი; 2014-2016წწ. წლიდან საქართველოს ელჩი დანიისა და ნორვეგიის სამეფოებში და ისლანდიის რესპუბლიკაში; საქართველოს საგარეო საქმეთა სამინისტროს სპიკერი. 2016-2017წწ. საქართველოს საგარეო საქმეთა სამინისტროს ავსრტალიის, აზიის, აფრიკის, ახლო აღმოსავლეთის და ოკეანეთის ქვეყნების დეპარტამენტის დირექტორი; 2017 წლიდან საქართველოს საგარეო საქმეთა სამინისტროს აზიისა და ოკეანეთის ქვეყნების დეპარტამენტის დირექტორი.

დაიცვა სადოქტორო დისერტაცია თემაზე - "საერთაშორისო ტურიზმის ეკონომიკა განვითარებად ქვეყნებში". 

წყარო: წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.94;  web.archive.org