რამაზ გიგაური

დაბადების ადგილი: ქ. თბილისი.

დაამთავრა საქართველოს შოთა რუსთაველის თეატრისა და კინოს უნივერსიტეტის კინოსარეჟისორო ფაკულტეტი 2006 წელს; 1999-2000წწ. იყო თბილისის კულტურის და ხელოვნების სახელმწიფო უნივერსიტეტის თავისუფალი მსმენელი.

2003 წელს მუშაობა დაიწყო გაზეთ "მთავარი გაზეთი კვირას" და ჟურნალში "კაკადუ"; 2005-2006წწ. თანამშრომლობდა ჟურნალებთან: "თბილისელები", "ფენომენი" და "გზა"; 2006-2009წწ. მუშაობდა ჟურნალში "ანაბეჭდი"; 2006-2012წწ. გაზეთში "ყველა სიახლე"; 2009-2013წწ. რადიოში "პალიტრა" იყო გადაცემის "შუადღე" თანაავტორი ("რეალური და შეუცნობელი რამაზ გიგაურთან ერთად"); მისი შემოქმედება: 2012 წელს გამოიცა მისი პირველი პოეტური კრებული "ლურჯი რვეული"; 2014 წელს გამოვიდა რამაზ გიგაურის რიგით მეორე წიგნი "წარმატების 365 გასაღები", წიგნი ე.წ. "სელფ-ჰელფის" (თვითგანვითარების) ჟანრს მიეკუთვნება, 2015 წელს წიგნი პალიტრა L-მა გამოსცა ახალი დიზაინით (რეპრინტი: 2016, 2018, 2020 წელს); 2015 წელს გამოიცა რამაზ გიგაურის მხატვრულ-დოკუმენტური რომანი "ჩემი ინდური სასწაული", წიგნი 2013 წელს ავტორის ინდოეთში მოგზაურობას ეხება; 2018 წელს გამოიცა ახალი პოეტური კრებული "მენტალური მისტერია"; 2019 წელს დაიწყო "წარმატების 365 გასაღების" - სამუშაო წიგნის გამოცემა (12 ნაწილად). 2014 წელს პროექტში "NX სპიკერი" მეორე ადგილი და ვერცხლის სერტიფიკატი მიიღო.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.88-89

• წარმატების 365 გასაღები : წიგნი, რომელიც თქვენს ცხოვრებას უკეთესობისკენ შეცვლის (ავტორი) // ლურჯი ოკეანე - წარმატების ბიბლიოთეკა ქართული ბესტსელერი. - თბილისი, პალიტრა L, 2020. - 448 გვ.. - ISBN: 9789941321184
• მენტალური მისტერია : ლექსები (ავტორი). - თბილისი, საუნჯე, 2018. - 148გვ.. - ISBN: 9789941469411
• ჩემი ინდური სასწაული : გზამკვლევი ინდოეთში წამსვლელთათვის : მხატვრულ-დოკუმენტური რომანი (ავტორი). - თბილისი, 2015. - 317გვ.
• ლურჯი რვეული : ლექსები (ავტორი). - თბილისი, საუნჯე : ვაჟა წოწკოლაური, 2012. - 83გვ.. - ISBN: 9789941442087