ალექსანდრე ჟურული

დაბადების ადგილი: ქ. თბილისი.

დაამთავრა პეტერბურგის მიხეილის საარტილერიო სასწავლებელი 1909 წელს. 

წარმომავლობით აზნაურთა ოჯახიდან; პოლკოვნიკ ილია ჟურულის შვილი; 1914-1918წწ. მსახურობდა რუსეთის იმპერიის არმიის 47-ე საარტილერიო ბრიგადაში, რომლის რიგებშიც მონაწილეობდა I მსოფლიო ომში; ჰქონდა პორუჩიკის, შტაბს-კაპიტნის, ომის ბოლოს - კაპიტნის წოდებები; 1918-1921წწ. იყო საქართველოს ჯარის პოლკოვნიკი, მეთაურობდა საარტილერიო დივიზიონს; 1920 წელს შავი ზღვის სანაპიროზე მსახურობის პერიოდში დაეხმარა ჩრდილოეთ კავკასიაში დამარცხებული რუსული თეთრი მოძრაობის "მოხალისეთა არმიის" სამხედრო ნაწილებს ფოთიდან ყირიმში ევაკუაციის განხორციელებაში; 1921-1924წწ.  საქართველოს იძულებითი გასაბჭოების შემდეგ, მსახურობდა ქართულ წითელ არმიაში, სადაც მე-2 ქართულ შეერთებულ საარტილერიო დივიზიონს უფროსობდა; შემდეგ სამეურნეო თანამდებობებზე იყო (1937 წლისთვის "ტყვარჩელნახშირის" მომარაგების რწმუნებული); საბჭოთა ხელისუფლების მიერ სამჯერ იყო დაპატიმრებული 1922, 1924 და 1931 წლებში "ჯაშუშობის" და "კონტრრევოლუციური საქმიანობის" ბრალდებით; მასობრივი რეპრესიების დროს, 1937 წელს კვლავ დააპატიმრეს და დახვრიტეს. პოლკოვნიკი.

წყარო: საქართველოს პარლამენტის ეროვნული ბიბლიოთეკა: სტალინური სიები საქართველოდან: nplg.gov.ge; ka.autograndad.com

• 1917 - წმინდა გიორგის ოქროს იარაღი
  1916 წლის 29 მაისს სოფ. ბობულინცესთან გერმანელების წინააღმდეგ ბრძოლაში თავის გამოჩენისთვის
• 1916 - წმინდა ანას II ხარისხის ორდენი (ხმლებით)
• 1915 - წმინდა ანას IV ხარისხის ორდენი
• 1915 - წმინდა სტანისლავის II ხარისხის ორდენი
• 1915 - წმინდა სტანისლავის III ხარისხის ორდენი