დემურ დემეტრაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი, სპეციალობა თეორიული ფიზიკა 1971 წელს;  ასპირანტურა - 1971 წელს (სსრკ ჰიდრომეტცენტრი, ქ. მოსკოვი, სსრკ მეცნიერებათა აკადემიის ციმბირის განყოფილების გამოთვლითი ცენტრი, ქ. ნოვოსიბირსკი, აკადემქალაქი).

1977-1989წწ. - ამიერკავკასიის ჰიდრომეტეოროლოგიის სამეცნიერო-კვლევითი ინსტიტუტის დინამიკური მეტეოროლოგიისა და ამინდის პროგნოზების განყოფილების უმცროსი მეცნიერ-თანამშრომელი, უფროსი მეცნიერ- თანამშრომელი; 1992-1993წწ. - საქართველოს გარემოს დაცვის სამინისტროს ჰიდრომეტეოროლოგიისა და
გარემოს მდგომარეობის ანალიზის სამმართველოს უფროსი; 1993-1995წწ.- საქართველოს ჰიდრომეტეოროლოგიის სამმართველოს გარემოს მონიტორინგის რესპუბლიკური ცენტრის უფროსის მოადგილე; 1996-2006წწ. - საქართველოს მეცნიერებათა ეროვნული აკადემიის ჰიდრომეტეოროლოგიის ინსტიტუტის დინამიკური მეტეოროლოგიის ლაბორატორიის გამგე; 1989-2018წწ. - თბილისის სახელმწიფო უნივერსიტეტის მ. ნოდიას გეოფიზიკის ინსტიტუტის ზღვისა და ატმოსფეროს გეოფიზიკური პროცესების მათემატიკური მოდელირების სექტორის წამყვანი მეცნიერ-თანამშრომელი, მთავარი მეცნიერი თანამშრომელი; 2018 წლიდან - თბილისის სახელმწიფო უნივერსიტეტის მ. ნოდიას გეოფიზიკის ინსტიტუტის ზღვისა და ატმოსფეროს დინამიკის მოდელირების სექტორის ხელმძღვანელი. სამეცნიერო ინტერესებისა და საქმიანობის სფერო: შავი ზღვისა და ატმოსფეროს ჰიდროთერმოდინამიკური პროცესებისა და მინარევების გავრცელების მათემატიკური მოდელირება; ამოცანათა პროგრამული უზრუნველყოფა ალგორითმულ ენაზე "ფორტრანი", აღნიშნულ საკითხებზე გამოქვეყნებული აქვს 170-დე სამეცნიერო ნაშრომი. მონაწილეობს საერთაშორისო სამეცნიერო კონფერენციებში. 2018 წლიდან - რუსეთის მეცნიერებათა აკადემიის სამეცნიერო ჟურნალის "Морской гидрофизический журнал" სარედაქციო კოლეგიის წევრი. ფიზიკა-მათემატიკის მეცნიერებათა დოქტორი (2005).

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.144; თბილისის სახელმწიფო უნივერსიტეტის მ. ნოდიას გეოფიზიკის ინსტიტუტი: ig-geophysics.ge

• ევროპის დედამიწის მეცნიერებათა კავშირი (EGU – European Geoscience Union), წევრი (2014-)
• საქართველოს ეკოლოგიურ მეცნიერებათა აკადემია, წევრ-კორესპონდენტი (1997-)

• 2012 - მიხეილ ნოდიას სახელობის პრემია
• 2003 - ღირსების მედალი

• შავი ზღვის ოკეანოგრაფია წარსულში და თანამედროვე ეტაპზე (თანაავტორი). - თბილისი, თბილ. უნ-ტის გამ-ბა, 2016. - 188გვ. . - ISBN: 9789941135835