მელაათ ხიმშიაშვილი

დაბადების ადგილი: დაბა ხულო.

დაამთავრა სტამბოლის უნივერსიტეტის პედაგოგიკის ფაკულტეტი, მიიღო დაწყებითი სკოლის მასწავლებლის სპეციალობა. 

მამა, ჰაჯი ალი სეიდიშვილი, დედა - მინირე ხიმშიაშვილი (შერიფ-ბეგ ხიმშიაშვილისა და დანიის მეფის ქრისტიან IX-ის (1818-1906) ძმის შვილის - ნადეჟდა დაგმარას შვილი). იგი ხულოში ცხოვრობდა 1935 წლამდე, სადაც მან მიიღო დაწყებითი განათლება. საბჭოთა პერიოდში რუსეთის იმპერიაში მაღალი წრის წარმომადგენლები განსაკუთრებით დევნის ობიექტს წარმოადგენდნენ; ოჯახი იძულებული გახდა 1935 წელს დაეტოვებინა აჭარა და ყარსში გადასულიყო; პენსიაზე გასვლამდე მასწავლებლობდა; ძალიან უყვარდა ბავშვები; თავის ენერგიას უანგაროდ ახმარდა მომავალი თაობის აღზრდა–განათლების საქმეს; ნათესავების ბავშვებს ასწავლიდა ქართულ ენას, ქართულ წერა-კითხვას, საქართველოს ისტორიას; სელიმ ხიმშიაშვილის შთამომავლებში აღვივებდა ისტორიული სამშობოლოს სიყვარულს; მთავრობისაგან მიღებული ჰქონდა სიგელები და ჯილდოები; სიკვდილამდე იღებდა დამსახურებული პედაგოგის პენსიას; სარფის საზღვრის გახსნის შემდეგ, 1990 წლის შემოდგომაზე, ძმის შვილიშვილთან, ენვერ ხიმშიაშვილთან ერთად, სტუმრად იმყოფებოდა საქართველოში. ქართველი ემიგრანტი თურქეთში.

წყარო: გამოსათხოვარი /შუშანა ფუტკარაძე// ბათუმის შოთა რუსთაველის სახელმწიფო უნივერსიტეტის გაზეთი N6 ივნისი 2015.-გვ.7-8; amp.ka.shops-net.com