შალვა ჯაბახიძე

დაბადების ადგილი: ქ. თბილისი.

დაამთავრა საქართველოს თავდაცვის სამინისტროს გაერთიანებული სამხედრო აკადემიის საარტილერიო და სახმელეთო ჯარების სამეთაურო-ტაქტიკური ფაკულტეტები; გაიარა კაპიტნის საკარიერო და სამეთაურო–საშტაბო კურსები; 2004 წელს სწავლა გააგრძელა აშშ-ის არმიის სკოლაში; 2008 წელს ლიტვის სამხედრო აკდემიაში, გერმანიაში სწავლობდა ჯორჯ მარშალის სახელობის უსაფრთხოების კვლევების ეროვნულ ცენტრში; შვედეთში გაეროს შტაბის ოფიცერთა კურსზე.

1992-1993წწ. მოხალისედ იბრძოდა აფხაზეთის ომში; ძიუდოს საკავშირო ტურნირის მრავალგზის პრიზიორმა და ჩემპიონმა, სამბოში საქართველოს ჩემპიონმა პოლკოვნიკმა შალვა ჯაბახიძემ ომის დასრულების შემდეგ სპორტული კარიერა საბერძნეთში გააგრძელა; სამშობლოში დაბრუნების შემდეგ კი ისევ შეიარაღებული ძალებს დაუბრუნდა და დაზვერვის მთავარი სამმართველოს სპეციალური დანიშნულების რაზმში ჩაირიცხა; 1998 წლიდან მსახურობს საქართველოს შეიარაღებულ ძალებში; 2006-2007წწ. მონაწილეობდა სამშვიდობო მისიაში ერაყში; 2015-2016წწ. დროს იყო IV მექანიზირებული ბრიგადის მეთაური; სახმელეთო ჯარების დასავლეთის სარდალი (2016); 2016-2019წწ. გენერალური შტაბის უფროსის მოადგილე; 2019 წლიდან ევროპის უშიშროებისა და თანამშრომლობის ორგანიზაციაში (ეუთო) საქართველოს თავდაცვის სამინისტროს სამხედრო წარმომადგენელი; მიღებული აქვს თავდაცვის სამინისტროს სხვადასხვა უწყებრივი ჯილდო - თავდაცვის სამინისტროს უწყებრივი მედლები - I, II და III ხარისხი; სამსახურეობრივ–საშტატო იარაღი და აშშ–ის მედლები საბრძოლო დამსახურებისათვის 2006 და 2007 წლებში. გენერალ-მაიორი (2019).

წყარო: საქართველოს თავდაცვის სამინისტრო: mod.gov.ge

• მედალი "სამშობლოსათვის თავდადებული"
• მედალი "გენერალი მაზნიაშვილი"
• მედალი "გენერალი კვინიტაძე"