მიხეილ ტატიშვილი

დაბადების ადგილი: დაბა ბაკურიანი, ბორჯომის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1931 წელს.

1931 წლიდან იყო თბილისის სახელმწიფო სამედიცინო ინსტიტუტის ტოპოგრაფიული ანატომიისა და ოპერატიული ქირურგიის კათედრის ასისტენტი; 1933-1935 წწ. მუშაობდა ორდინატორად ჰოსპიტალურ ქირურგიულ კლინიკაში, ხოლო 1938-19439 წწ. საქართველოს ცენტრალური კლინიკური ინსტიტუტის უროლოგიურ განყოფილებაში; 1939-1940 წწ. სამედიცინო განყოფილების გამგე პეტროზავოდსკის ჰოსპიტალში; 1941-1943 წწ. ასისტენტი კიროვის სახ. სამხედრო-საექიმო აკადემიის ოპერატიული ქირურგიისა და ტოპოგრაფიული ანატომიის კათედრაზე, 1943-1950 წწ. ამავე კათედრის დოცენტი; 1941-1944 წწ. სამხედრო-საექიმო აკადემიის შემადგენლობასთან ერთად, მოჰყვა ლენინგრადის ბლოკადაში; 1945 წელს მივლინებული იყო ქირურგად ბელორუსიის მე-2 ფრონტის მომქმედი არმიის სანიტარულ ნაწილებში; 1950-1959 წწ. საქ. სსრ მეცნიერებათა აკადემიის ალ. ნათიშვილის სახ. ექსპერიმენტული მორფოლოგიის ინსტიტუტის სწავლული მდივანი; 1959-1965 წწ. ამავე ინსტიტუტის დირექტორის მოადგილე. ავტორია 45 სამეცნიერო ნაშრომის, მათ შორის 2 მონოგრაფიის: "შარდსაწვეთების ინერვაციის საკითხისათვის" (1959), "თირკმლის ორგანოსშიდა აგებულება" (1962); თანაავტორია 2 სახელმძღვანელოსი. მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "შარდსაწვეთების ინერვაცია", დაიცვა 1943 წელს (ლენინგრადი); სადოქტორო დისერტაციის თემა - "თირკმელშიდა საშარდე და სისხლძარღვოვანი სისტემის ურთიერთობა და ჰეპატორენული ვენური კავშირები", დაიცვა 1961 წელს ( თბილისი).

• თბილისის ანატომთა, ჰისტოლოგთა და ემბრიოლოგთა სამეცნიერო საზოგადოება, გამგეობის წევრი (1950-1965)

• მედალი "ლენინგრადის დაცვისთვის"
  ლენინგრადის ბლოკადის დროს გაწეული სამედიცინო სამსახურისთვის
• სამამულო ომის I ხარისხის ორდენი
  ბელორუსიის მე-2 ფრონტზე გაწეული მუშაობისთვის

• თირკმლის ორგანოსშიდა აგებულება (ავტორი). - თბილისი, საქართველოს სსრ მეცნიერებათა აკადემიის გამომცემლობა, 1962. - 132გვ.
• შარდსაწვეთების ინერვაციის საკითხისათვის (ავტორი). - თბილისი, საქართველოს სსრ მეცნიერებათა აკადემიის გამომცემლობა, 1959. - 88გვ.
• Топографическая анатомия поясничной области и забрюшинного пространства : სახელმძღვანელო (თანაავტორი) // Краткий курс оперативной хирургии с топографической анатомией, под ред. В.Н. Шевкуненко . - Москва, Государственное издательство медицинской литературы, 1951
• Пункции суставов и артротомии : სახელმძღვანელო (თანაავტორი) // Техника хирургических операций, под ред. В.Н. Шевкуненко. - Москва, Наркомздрав СССР-Медгиз, 1944