მალხაზ მაკარაძე

დაბადების ადგილი: სოფელი ოლადაური, ახლანდელი შუახევის მუნიციპალიტეტი.

დაამთავრა გაერთიანებული სამხედრო აკადემიის ისტორიული ფაკულტეტი და მოტომსროლელი ჯარების სამეთაურო-საშტაბო კურსი 1999 წელს; 2006-2007წწ. - აშშ ქვეითთა სასწავლებელი, მანევრის კაპიტნის საკარიერო კურსი; 2014-2015წწ. - აშშ საზღვაო კორპუსის უნივერსიტეტი, საზღვაო ქვეითების სამეთაურო-საშტაბო კოლეჯი; 2018-2019წწ. -  აშშ -ის ეროვნული თავდაცვის უნივერსიტეტის ეროვნული ომის კოლეჯი და მიენიჭა მაგისტრის ხარისხი, ეროვნულ უსაფრთხოების საკითხებში.

2000-2002წწ. სხვადასხვა სამეთაურო თანამდებობები ეკავა კოჯრის სპეციალური დანიშნულების ძალების ბაზაზე; 2003-2004წწ. იყო სახმელთო ჯარების G-3 ოპერატიული სამმართველოს უფროსი ოფიცერი; 2004-2006წწ. ლოჯისტიკის ცალკეული ბატალიონის მეთაური; 2007-2008წწ. საქართველოს თავდაცვის ეროვნული აკადემიის კაპიტნის საკარიერო და სახმელეთო ჯარების ოფიცერთა მომზადების (2008) კურსების უფროსი; V ბრიგადის შტაბის უფროსი (2008); 2008-2009წწ. თავდაცვის ეროვნული აკადემიის რექტორის მოადგილე; 2009-2010წწ. V ბრიგადის მეთაური; 2010-2012წწ. წვრთნებისა და სამხედრო განათლების სარდლის მოადგილე; სერჟანტთა მომზადების სკოლის მეთაური (2012); 2012-2013წწ. სახმელეთო ძალების შტაბის უფროსი (აღმოსავლეთ ოპერატიული დაჯგუფების შტაბის უფროსის მოვალეობის შემსრულებელი); 2015-2016წწ. თავდაცვის ეროვნული აკადემიის რექტორის მოვალეობის შემსრულებელი; 2016-2018წწ. წვრთნებისა და სამხედრო განათლების სარდალი; 2019 წელს დაინიშნა დავით აღმაშენებლის სახელობის საქართველოს ეროვნული თავდაცვის აკადემიის რექტორად და მიენიჭა ბრიგადის გენერლის წოდება; მონაწილეობა აქვს მიღებული სამშვიდობო მისიებში კოსოვოსა (2002-2003) და ერაყში (2005); მიღებული აქვს სხვადასხვა სახელმწიფო და უწყებრივი ჯილდო (2008-2009წწ. - უწყებრივი მედალი (I, II, III ხარისხის), ნატო-ს კოსოვოს მედალი (2003), აშშ არმიის მედალი სამხედრო მიღწევისთვის (2005). ბრიგადის გენერალი (2019).

წყარო: საქართველოს თავდაცვის სამინისტრო: mod.gov.ge; mc.mod.gov.ge

• 2016 - მედალი "გენერალი მაზნიაშვილი"
• 2012 - მედალი "ქაქუცა ჩოლოყაშვილი"
• 2012 - მედალი "საბრძოლო დამსახურებისთვის"
• 2011 - მედალი "სამშობლოსათვის თავდადებული" (2016)
• 2010 - მედალი "გენერალი მაზნიაშვილი"
• 2010 - მედალი "გენერალი კვინიტაძე"
• 2010 - მედალი "მხედრული მამაცობისთვის"
• 2005 - აშშ არმიის მედალი სამხედრო მიღწევისთვის
• 2003 - ვახტანგ გორგასლის III ხარისხის ორდენი
• 2003 - ნატო-ს კოსოვოს მედალი