თემურ ღვინიანიძე

დაამთავრა საქართველოს პოლიტექნიკური ინსტიტუტი ინჟინერ-ტექნოლოგის კვალიფიკაციით 1973 წელს; მოსკოვის ბაუმანის სახელობის უმაღლესი ტექნიკური სასწავლებელი, 1976 წელს.

1976 წლიდან - ქუთაისის პოლიტექნიკური ინსტიტუტის საინჟინერო კათედრის უფროსი მასწავლებელი; 2000 წლიდან - ქუთაისის ტექნიკური უნივერსიტეტის საინჟინერო კათედრის დოცენტი; 2005 წლიდან - აკაკი წერეთლის სახელმწიფო უნივერსიტეტი, საინჟინრო-ტექნიკური ფაკულტეტი, მშენებლობისა და საინჟინრო გრაფიკის კათედრის კოორდინატორი, პროფესორი; 2010 წლიდან - აკაკი წერეთლის სახელმწიფო უნივერსიტეტი, საინჟინრო-ტექნოლოგიური ფაკულტეტი, კვების პროდუქტების ტექნოლოგიების დეპარტამენტი, ასოცირებული პროფესორი; 2014 წლიდან - სრული პროფესორი. კვლევის თემა: დაწნეხილი ჩაის წარმოების რაციონალური ტექნოლოგიების დამუშავება. იმერეთის რეგიონის საზოგადოებრივი კონტროლის საბჭოს წევრი; ქართული "ვაზისა და ღვინის" თანადგომისა და აღორძინების ფონდის დამფუძნებელი. სამეცნიერო ნაშრომების ავტორი. ინჟინერ-ტექნოლოგი. ტექნიკის მეცნიერებათა დოქტორი (2005), პროფესორი.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.238; აკაკი წერეთლის სახელმწიფო უნივერსიტეტი: atsu.edu.ge

• იმერეთის რეგიონის სასოგადოებრივი დარბაზი "ღირსება", წევრი
• საზოგადოება "ბაღის კიდის" დარბაზი, წევრი
• საზოგადოება "ქუთაისელის" დარბაზი, წევრი

• ალკოჰოლიანი და უალკოჰოლო სასმელების ტექნოლოგია : ლექციების კრებული კვების ტექნოლოგიის ფაკ. სტუდ. (თანაავტორი). - ქუთაისი, აკ. წერეთლის სახელმწ. უნ-ტის გამ-ბა, 2009. - 140გვ. . - ISBN: 9789941408083
• სასურსათო ნედლეულის საქონელმცოდნეობა : სახელმძღვ. სტუდ. (ავტორი). - ქუთაისი, აკ. წერეთლის უნ-ტის გამ-ბა, 2008. - 196გვ. . - ISBN: 9789994052721
• ეკონომიკა : სახელმძღვ. სტუდ. (თანაავტორი). - ქუთაისი, აკ. წერეთლის უნ-ტის გამ-ბა, 2008. - 169გვ. . - ISBN: 9789994052424