მალხაზ წიქარიშვილი

დაბადების ადგილი: სოფელი საქასრია, ხარაგაულის რაიონი.

დაამთავრა საქართველოს პოლიტექნიკური ინსიტუტის მანქანათმშენებლობის ფაკულტეტი სამშენებლო მასალების, ნაკეთობათა და კონსტრუქციების საწარმოთა მექანიკური მოწყობილობების წარმოების სპეციალობით 1985 წელს; ასპირანტურა 1993 წელს.

1985-1986წწ. - ძირულის ცეცხლგამძლე ნაწარმის ქარხანა, ცვლის უფროსი; 1987 წლიდან - საქართველოს ტექნიკური უნივერსიტეტი, ინჟინერი, ლაბორანტი, ლაბორატორიის გამგე, დოცენტი, პროფესორი, სრული პროფესორი; 2008-2013წწ. იყო საქართველოს ტექნიკური უნივერსიტეტის სტრუქტურული მთლიანობის მონიტორინგის ექსპერტიზის მიმართულების ხელმძღვანელი; 2009-2015წწ. ამავე უნივერსიტეტის მშენებლობის პროექტების ექსპერტიზის ცენტრის ხელმძღვანელი; 2006-2008წწ. შეთავსებით მუშაობდა უნივერსიტეტ "მცირე აკადემიის" პრორექტორად სასწავლო დარგში; 2004-2014წწ. იყო საქართველოს თავდაცვის ეროვნული აკადემიის საინჟინრო დისციპლინათა კათედრის გამგე; 2016 წლიდან აკრედიტებული საექსპერტო ბიუროს "მშენექსპერტის" დირექტორია; მიის მონაწილეობით დამუშავებულ იქნა პოლიციის ადმინისტრაციული შენობების პროექტები - ა.წერეთლის გამზირზე, რ. თაბუკაშვილის ქუჩაზე და ბავშვთა პარკ "მზიურში" ქ. თბილისში, ასევე, ქ. ფოთში და ქ. მარნეულში; მონაწილეობდა არაერთი ისტორიული ძეგლისა და არქიტექტურული მემკვიდრეობის სტატუსის მქონე შენობის გამოკვლევა-დიაგნოსტიკის სამუშაოების ჩატარებაში; 2017 წლიდან მცხეთა-მთიანეთის რეგიონში მშენებარე ინფრასტრუქტურული ობიექტების ტექნიკური ზედამხედველობის ჯგუფის ხელმძღვანელია; მისი სამეცნიერო მუშაობა ეძღვნება შენობა-ნაგებობების გამოკვლევას, დიაგნოსტიკას, მონიტორინგს დაექსპერტიზას, დიაგნოსტიკის ახალი მეთოდების შექმნას; გამოქვეყნებული აქვს 140-ზე მეტი სამეცნიერო ნაშრომი, 7 მონოგრაფია და 10 სახელმძღვანელო; 2008 წელს გამოქვეყნებული აქვს მონოგრაფია აშშ-ს ქ. ბოსტონში;მრავალწლიანი სამეცნიერო-პედაგოგიური მოღვაწეობისა და დამსახურებისათვის მიღებული აქვს საუწყებო ჯილდოები და საპატიო სიგელები; ინჟინერ-მექანიკოსი, ტექნიკის მეცნიერებათა დოქტორი (1999), პროფესორი (2001).

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.253; საქართველოს ტექნიკური უნივერსიტეტი: construction.gtu.ge; საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 305-306

• მშენებლობის შეფასება : ლექციების კურსი (თანაავტორი). - თბილისი, ტექნიკური უნივერსიტეტი, 2019. - 152გვ. . - ISBN: 9789941282072
• კონსტრუქციების კონტროლი ტენზომეტრებით : სახელმძღვ. სტუ-ს (შიფრი 2915) სპეც. სტუდ. (ავტორი). - თბილისი, ტექნ. უნ-ტი, 2008. - 63გვ.
• რეაქტორის ფორმის და გეომეტრიული ზომების ოპტიმიზაცია ლაზერული მიკროაფეთქების პროცესის სრულყოფისათვის : მონოგრაფია (თანაავტორი). - თბილისი, ბარტონი, 2007. - 148გვ.. - ISBN: 9789994094622
• კონსტრუქციების ულტრაბგერითი კონტროლი (ავტორი). - თბილისი, ტექნ. უნ-ტი, 2007. - 107გვ. . - ISBN: 9994057588