ქეთევან გარსიაშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1941 წელს; სწავლა გააგრძელა სამედიცინო ინსტიტუტის ორდინატურაში ზოგადი ქირურგიის კათედრაზე.

მუშაობდა ექიმ-ქირურგად; მეუღლესთან, ბატონ დავით კლიმიაშვილთან, ერთად თეირანში მოღვაწეობდა – რკინიგზასთან არსებულ საავადმყოფო-პოლიკლინიკაში ექიმ-ქირურგად; ომის დამთავრების შემდეგ დაბრუნდა თბილისში და მუშაობა განაგრძო ქირურგად აკად. კ. ერისთავის კლინიკაში. ანა სახაროვასთან ერთად, კლინიკური ციტოლოგიის ფუძემდებელი საქართველოში; საქართველოში პირველმა დაიწყო ღვიძლის და ელენთის პუნქციური ბიოფსიები; კლინიკურ ციტოლოგიაში მუშაობის 50-ზე მეტი წლის განმავლობაში მისმა გამოკვლევებმა უამრავი ადამიანის ცხოვრებაში შეასრულა გადამწყვეტი როლი. ცნობილია რომ ძალიან ხშირად ციტოლოგიური დიაგნოზი განსაზღვრავს ოპერაციის ხასიათს და მოცულობას, რასაც გადამწყვეტი მნიშვნელობა აქვს პაციენტისათვის. გამოქვეყნებული აქვს 100-მდე სამეცნიერო ნაშრომი, მათ შორის 2 მონოგრაფია და პირველი ქართულენოვანი სახელმძღვანელო კლინიკურ ციტოლოგიაში. ექიმი-ქირურგი. მედიცინის მეცნიერებათა დოქტორი (1994), პროფესორი (1997).

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.311; ქართული სამედიცინო სამეცნიერო პრაქტიკული ჟურნალი:  modernpublishing.ge

• Цитология гемобластозов : (Варианты, динамичность, трансформации) (ავტორი). - Тбилиси, Сабч. Сакартвело, 1974. - 124с.
• ციტოლოგიური გამოკვლევის დიაგნოსტიკური მნიშვნელობა ზოგიერთი დაავადების დროს (ავტორი). - თბილისი, საქმედგამი, 1957. - 112გვ.