ოთარ ფაცაცია

დაბადების ადგილი: სოფელი ინგირი, ზუგდიდის რაიონი.

დაამთავრა ლენინგრადის ცელულოზისა და ქაღალდის მრეწველობის ინსტიტუტი 1955 წელს, ასპირანტურა 1970 წელს.

1956-1958წწ. ენგურქაღალდკომბინატის ნორმადარი, საგეგმო განყოფილების ინჟინერ-ეკონომისტი, ქაღალდის წარმოების ინჟინერი, საფაბრიკო კომიტეტის თავმჯდომარე; 1959-1963წწ. საქართველოს კომპარტიის ზუგდიდის რაიონული კომიტეტის საორგანიზაციო განყოფილების ინსტრუქტორი, მეორე მდივანი, პირველი მდივანი; 1963-1965წწ. საქართველოს კომპარტიის ზუგდიდის სამრეწველო-საწარმოო ზონის პარტკომის მდივანი, მეორე მდივანი; 1965-1984წწ. ენგურქაღალდკომბინატის დირექტორი; 1984-1992წწ. საწარმოო გაერთიანება "საქქაღალდმრეწვი"-ს გენერალური დირექტორი; 1992-1993წწ. ზუგდიდის გამგებებლი; 1993 წ. საქართველოს მე-3 მოწვევის პარლამენტის წევრი, საარჩევნო ფორმა: მაჟორიტარული, მაჟორიტარი №67 ზუგდიდის მაჟორიტარული საარჩევნო ოლქიდან; 1993-1995წწ. საქართველოს რესპუბლიკის პრემიერ-მინისტრი; 1995-1999წწ. საქართველოს მე-4 მოწვევის პარლამენტის წევრი, საარჩევნო ფორმა: მაჟორიტარული, მაჟორიტარი №67 ზუგდიდის მაჟორიტარული საარჩევნო ოლქიდან. ეკონომიკის მეცნიერებათა დოქტორი.

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ. 329; სამენოვანი ინტერნეტგამოცემა "ლაივპრესი": livepress.ge;  წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.131

• საქართველოს მე-3 მოწვევის პარლამენტი, წევრი (1993-1993)
• საქართველოს მე-4 მოწვევის პარლამენტი, წევრი (1995-1999)
• საქართველოს მე-4 მოწვევის პარლამენტის ეროვნული თანხმობის ხელშემწყობი დროებითი საპარლამენტო კომისია, თავმჯდომარე (1998-1999)
• საქართველოს მე-4 მოწვევის პარლამენტის საფინანსო-საბიუჯეტო კომიტეტი, წევრი (1997-1999)

• 1999 - ვახტანგ გორგასლის I ხარისხის ორდენი
  საქართველოში ძნელბედობის ჟამს აფხაზეთიდან დევნილი მოსახლეობის ჭუბერისა და საკენის გადასასვლელებიდან ურთულეს პირობებში ევაკუირების ორგანიზაციაში, სახელმწიფო აღმშენებლობის პროცესში შეტანილი განსაკუთრებული წვლილისა და ნაყოფიერი საზოგადოებრივი მოღვაწეობისათვის