ილია ხერხეულიძე

დაამთავრა თბილისის ქვეით იუნკერთა სასწავლებელი.
წარმომავლობით თბილისის გუბერნიის თავადთა ოჯახიდან; სხვადასხვა დროს მსახურობდა კიშინოვის 207-ე სარეზერვო ქვეით, მინსკის 54-ე ქვეით, ბალტინის 250-ე ქვეით პოლკში; 1914-1918წწ. მონაწილეობდა I მსოფლიო ომში; ომის ბოლოს იყო ბალტინის 250-ე ქვეით პოლკის კაპიტანი; 1915 წელს ბრძოლის ველზე დაიღუპა მისი ორი ოფიცერი ძმა: შტაბს-კაპიტანი გიორგი და პოდპორუჩიკი მიხეილი, ასევე სიძე (დის ქმარი) — იასონ ახვლედიანი; ფრონტის მოშლის შემდეგ, 1917 წელს ილია ხერხეულიძე ყარსიდან თბილისში დაბრუნდა; 1918 წლიდან იყო საქართველოს ჯარის პოდპოლკოვნიკი; თავი გამოიჩინა 1918 წლის დეკემბრის ომში სომხეთთან, როდესაც მონაწილეობდა ახალქალაქის მაზრის დაცვაში; 1919 წლის სექტემბერში დაითხოვეს ქვეითი ჯარის თადარიგში; 1924 წელს საბჭოთა ხელისუფლებამ დააპატიმრა აგვისტოს აჯანყებაში მონაწილეობის ბრალდებით; იმავე წლის სექტემბერში დახვრიტეს. პოდპოლკოვნიკი (1918).

წყარო: რუსეთის საიმპერატორო არმიის ოფიცრები: ria1914.info

• 1916 - წმინდა სტანისლავის III ხარისხის ორდენი
• 1916 - წმინდა ანას III ხარისხის ორდენი