ანზორ მელია

დაბადების ადგილი: ქ. ზუგდიდი.

დაამთავრა მოსკოვის სეჩენოვის სახელობის I სამედიცინო ინსტიტუტის სამკურნალო ფაკულტეტი 1972 წელს და იქვე დაიცვა საკანდიდატო დისერტაცია.

1986-1996 წწ. ქალაქის I საავადმყოფოში ხელმძღვანელობდა კარდიოლოგიურ განყოფილებას, ხოლო 1996 წლის აპრილიდან კარდიოლოგიურ კლინიკა "გული"-ს დამფუძნებელი და ხელმძღვანელია, რომელიც წარმოადგენდა პირველ კარდიოლოგიური პროფილის კერძო სამედიცინო დაწესებულებას საქართველოში; 2003 წელს კლინიკამ საფუძველი ჩაუყარა ინვაზიური რითმოლოგიის განვითარებას; საქართველოში პირველად სწორედ ამ კლინიკაში ჩაიდგა კარდიოვერტერ - დეფიბრილატორი და სამკამერიანი პეისმეიკერი, რომელიც თანამედროვე კარდიოლოგიის მიღწევად ითვლება. სამეცნიერო ინტერესების სფერო: მწვავე მიოკარდიუმის ინფარქტის და გულის უკმარისობის მკურნალობის თანამედროვე მეთოდები; რეფრაქტერინის გამოყენება გულის უკმარისობის მქონე პაციენტებში; რითმის ვარიაბელობის მნიშვნელობა გულის უკმარისობის მქონე პაციენტებში; ინვაზიური მეთოდების როლი და ადგილი გულის დაავადებების მკურნალობაში. გამოქვეყნებული აქვს 50-მდე სამეცნიერო პუბლიკაცია. მიღებული აქვს მრავალი სერთიფიკატი და ჯილდო, მათ შორის: ევროპის ბიზნეს ასამბლეის ჯილდო "გაერთიანებული ევრიპა", სამედიცინო კლინიკური ინოვაციებისა და ადამიანთა სიცოცხლეზე განუხრელი ზრუნვისათვის მიენიჭა ტიტული "სოფლის მშენებელი - მეცენატი 2010", გაერთიანებული ევროპის საერთაშორისო ჯილდო მისი პირადი წვლილისათვის ევროპული ინტეგრაციის განვითარებაში (2010), ორდენი - "ეკონომიკის ვარსკვლავი", ევროპის ბიზნეს ასამბლეა-საფრანგეთი, კანი, საუკეთესო ხარისხისა და მართვის ფორუმზე მიენიჭა წლის "საუკეთესო მენეჯერი"-ს წოდება (2016). კარდიოლოგი, პროფესორი.

წყარო: კარდიოლოგიური კლინიკა "გული": guli.ge

• ევროპის კარდიოლოგთა ასოციაცია, საპატიო წევრი
• საქართველოს კარდიოლოგთა ასოციაცია, საპატიო წევრი

• ღირსების ორდენი