ლადო ყანდარელი

დაბადების ადგილი: ქ. თბილისი.

სწავლობდა თბილისის გიმნაზიაში, შემდეგ ტექნიკურ უნივერსიტეტში.

იგი იყო სპორტული საზოგადოება "შევარდენის" აქტიური წევრი და წარმატებული ტანმოვარჯიშე. 1919 წლის ნოემბერში საქართველოს დამოუკიდებელი რესპუბლიკის საუწყებათშორისო კომისიამ ლადო ყანდარელი სასწავლებლად გაუშვა გერმანიაში. დაპატიმრების დროს ლადო ყანდარელი იყო საქართველოს ადგილობრივი მრეწველობის სახალხო კომისარიატის საპროექტო-სახარჯთაღრიცხვო ბიუროს მთავარი ინჟინერი. პარტიიდან გარიცხეს დაპატიმრების გამო.  ბრალად ედებოდა, რომ იყო მემარჯვენე კონტრრევოლუციურ-ტერორისტული, დივერსიულ-მავნებლური და ჯაშუშური ორგანიზაციის წევრი, რომელიც ამზადებდა ტერაქტებს საბჭოთა ხელისუფლებისა და პარტიის ხელმძღვანელების წინააღმდეგ. ამ ორგანიზაციაში გადაიბირა 1929 წელს, გერმანიაში სასწავლებლად ყოფნის დროს ორგანიზაციის ერთ-ერთმა ხელმძღვანელმა "ქართული ნაციონალური ცენტრის" წევრმა, ბესარიონ ალექსის ძე ჭიჭინაძემ. ორგანიზაციის დავალებით ეწეოდა ჯაშუშობას ერთ-ერთი უცხოური დაზვერვის სასარგებლოდ. აგრეთვე ეწეოდა დივერსიულ-მავნებლურ საქმიანობას საქართველოს სახალხო მეურნეობაში, აგდებდა გენერალური გეგმების შესრულებას, შეჰქონდა დეზორგანიზაცია საქართველოს სამთო წარმოების საექსპლუატაციო სამუშაოებში. "სამეულის" სხდომა ჩატარდა 1937 წლის 25 დეკემბერს, მიესაჯა დახვრეტა და ქონების კონფისკაცია. კონსტანტინე ყანდარელის ძმა. რეპრესირებული.

წყარო: საქართველოს პარლამენტის ეროვნული ბიბლიოთეკა: სტალინური სიები საქართველოდან: nplg.gov.ge; civil.ge; ახალი ამბების ტელევიზიის ვებგვრდი: palitranews.ge

• სკკპ(ბ) პარტია, წევრი (1925-1937)