ვლადიმერ კიკილაშვილი

დაბადების ადგილი: ქ. წითელწყარო.

დაამთავრა თბილისის სახელმწიფო უნივერსიტეტის ფილოლოგიის ფაკულტეტის კავკასიურ ენათა განყოფილება 1972 წელს.

1966 წლის 16 ივლიდან 1966 წლის 31 დეკემბრამდე მუშაობდა გამომცემლობა "ნაკადულის" მე-2 სტამბაში, სხვადასხვა საამქროში; 1972-1987წწ. ენათმეცნიერების ინსტიტუტში "იბერიულ-კავკასიური ენათმეცნიერების წელიწდეულში"; 1990-1999წწ. კომპიუტერული უზრუნველყოფის ლაბორატორიის უფროსად; 1987-1995წწ. საქართველოს მეცნიერებათა აკადემიის ინფორმატიკის საბჭოს სწავლულ მდივნად, შემდგომ კი - განყოფილების მთავრ სპეციალისტად; ამ პერიოდში მისი ხელმძღვანელობით შეიქმნა ქართული ენის მორფოლოგიური პროცესორი და კავკასიის ხალხთა ისტორიისა და კულტურის კომპიუტერული აღწერის მოდელი, რომელმაც აპრობაცია გაიარა კავკასიოლოგთა სხვადასხვა საერთაშორისო კონფერენციებზე;  1993-1995წწ. იყო საქართველოს ტელე-რადიო დეპარტამენტის საფონდო განყოფილების გამგე; 1997 წლის 1 იანვრიდან 1997 წლის 1 მაისამდე მუშაობდა საქართველოს ენის სახელმწიფო პალატის კონსულტანტად; 1997-1999წწ. პალატის საინფორმაციო განყოფილების გამგედ; 1999 წლიდან არის საქართველოს პარლამენტის ეროვნული ბიბლიოთეკის კავკასიოლოგიურ კვლევათა ცენტრის ხელმძღვანელი; 2000 წელს დაარსა მრავალდარგოვანი რეფერირებადი სამენოვანი (ქართული, ინგლისური, რუსული) სამეცნიერო ალმანახი "კავკასიის მაცნე", რომლის მთავარი რედაქტორი არის, (გამოვიდა 15 ტომი); 2002 წელს დააარსა რუსეთის მეცნიერებათა აკადემიის მრავალდარგოვანი რეფერირებადი ორენოვანი (ინგლისური, რუსული) სამეცნიერო პერიოდული ჟურნალი "КАВКАЗОВЕДЕНИЕ", არის მისი რედაქტორის მოადგილე და გამომცემელი (გამოვიდა 11 ტომი); 2003 წელს ფონდ "ღია საზოგადოება-საქართველო"-ს დაფინანსებით დააარსა საერთაშორისო სამეცნიერო პერიოდული ჟურნალი "კავკასიის რეფერატული ჟურნალი" (სამუშაო ენები - ინგლისური, რუსული); აღნიშნული პერიოდული გამოცემის უნიკალურობა იმაში მდგომარეობს, რომ მხოლოდ აქ იბეჭდება ქართველ და კავკასიელ მეცნიერთა საზოგადოებრივი და ჰუმანიტარული დარგების ნაშრომების რეფერატები (გამოვიდა 6 ტომი), არის მისი მთავარი რედაქტორი; 2003 წელს დააარსა საერთაშორისო სამეცნიერო პერიოდული ჟურნალის "კავკასიის მაცნის" არქიტექტურული დამატება (გამოვიდა 6 ტომი), არის მისი მთავარი რედაქტორი; 2006 წელს თბილისის სახელმწიფო უნივერსიტეტის კავკასიის ხალხთა ისტორიის კათედრის მონაწილეობით, პრაღის კარლოსის უნივერსიტეტისა და პარლამენტის ეროვნული ბიბლიოთეკის თანადგომით დააარსა საერთაშორისო სამეცნიერო პერიოდული ჟურნალის კავკასიის მაცნის დამატება - კავკასიის ხალხთა კულტურა და ისტორია, არის მისი მთავარი რედაქტორი; პირველი ტომი მიეძღვნა გამოჩენილი ჩეხი მეცნიერის ვაცლავ ჩერნის 75 წლისთავს; 2004 წლიდან არის ბასკეთის ხალხთა ინსტიტუტის სამეცნიერო პოპულარული ჟურნალის MAGAZIნE OF THE PEOPLES-ის რედკოლეგიის წევრი (გამოვიდა 6 ნომერი); 2004 წლიდან არის რუსეთის მეცნიერებათა აკადემიის სამეცნიერო ჟურნალის КАВКАЗСКИЙ  ЛИНГВИСТИЧЕСКИЙ СБОРНИК-ის რედკოლეგიის წევრი; 2000-2006წწ. საქართველოს პარლამენტის ეროვნული ბიბლიოთეკისა და თსუ-ს ბაზაზე ჩაატარა 15 საერთაშორისო კონფერენცია და სემინარი კავკასიოლოგიაში; მასალები გამოქვეყნებულია ჟურნალებში "კავკასიის მაცნე" და CAUCASOLOGY (დაახლოებით 2500 სტატია); საკანდიდატო დისერტაციის შემდგომ გამოაქვეყნა  35 ნაშრომი, მონაწილეობა მიიღო კავკასიოლოგიისადმი მიძღვნილ  საკავშირო კონფერენციებში: ნალჩიკი (1986), ტალინი (1988), ერევანი (1988), მოსკოვი (1989), მაჰაჩყალა (1998); კავკასიოლოგიისადმი მიძღვნილ  საერთაშორისო კონფერენციაში: ევროპის კავკასიოლოგთა V კოლოკვიუმი, ლონდონი, ინგლისი (1990); კავკასიოლოგიისადმი მიძღვნილი საერთაშორისო კონფერენცია, ლუნდი, შვედეთი (1991); ევროპის კავკასიოლოგთა VII კოლოკვიუმი, მარბურგი, გერმანია (1994); ევროპის კავკასიოლოგთა X კოლოკვიუმი, მაჰაჩყალა (2000); ევროსაბჭოს ენობრივი პოლიტიკის საერთაშორისო სემინარები, მოსკოვი, რუსეთის ფედერაცია (2002, 2003, 2004); ნეაპოლის  საერთაშორისო კონფერენცია და მრავალი სხვა; 2000 წლის იანვრიდან არის ივ. ჯავახიშვილის სახელობის თბილისის სახ. უნივერსიტეტის კახეთის მხარის სიღნაღის ფილიალის კავკასიოლოგიურ კვლევათა სასწავლო-სამეცნიერო ცენტრის ხელმძღვანელი; 2002 წლის იანვრიდან ივ. ჯავახიშვილის სახელობის თბილისის სახ. უნივერსიტეტის კახეთის მხარის სიღნაღის ფილიალის კავკასიოლოგიის კათედრის გამგე; 2003 წლიდან ივ. ჯავახიშვილის სახელობის თბილისის სახ. უნივერსიტეტის კახეთის მხარის სიღნაღის ფილიალის პრორექტორი სამეცნიერო დარგში; 2003 წლის სექტემბრიდან არის ივ. ჯავახიშვილის სახელობის თბილისის სახ. უნივერსიტეტის კავკასიის ხალხთა ისტორიის კათედრის თანამშრომელი; 2005-2006წწ. მუშაობდა საბაკალავრო და სამაგისტრო პროგრამების შექმნაზე საქართველოს განათლების სისტემის რეფორმის შესაბამისად; 1993-1994წწ. იმყოფებოდა ჩიკაგოს უნივერსიტეტში IREX-ის გაცვლითი პროგრამით; აღნიშნულ პერიოდში უნივერსიტეტის მაგისტრანტთან მარცელო კერკისთან ერთად მუშაობდა ქართული ენის მოკლე კომპიუტერულ ვარიანტზე, ხოლო პროფ. ჰოვარდ არონსონთან კონსულტაციებით - კავკასიურ ენათა კომპიუტერულ ენციკლოპედიაზე; მონაწილეობს ქართული ენობრივი პორტფელის ქართველთათვის და ეროვნულ უმცირესობათათვის სახელმძღვანელოების შექმნაში; არის 4 სახელმძღვანელოს (ევროპული ენობრივი პორტფელი: ქართული ენის შესასწავლი სახელმძღვანელო არაქართული მოსახლეობისთვის, მოზარდთათვის, ზრდასრულთათვის) რედაქტორი, მთარგმნელი და თანაავტორი; მიღებული აქვს თსუ-ს სამეცნიერო პრემია (2005); ლუარსაბ თათქარიძის ლიტერატურული პრემია "კულინარია თანამედროვე ქართულ ლიტერატურაში" (2003); არის ნეაპოლის უნივერსიტის კავკასიოლოგიური ბიბლიოთეკის თანადამაარსებელი მონაწილეობს რიგი სასკოლო და სარაიონო ბიბლიოთეკების წიგნადი ფონდის შევსებაში; გამოცემული აქვს: სებ-ში არსებული კავკასიოლოგიური ლიტერატურის ბიბლიოგრაფია; ჟურნალ "კავკასიის მაცნში" დაბეჭდილი ნაშრომების ანოტირებული საძიებელი ელექტრონული ვერსია, (სამენოვანი, 15 ტომი); ჟურნალ "Caukasology"-ში დაბეჭდილი ნაშრომების ანოტირებული საძიებელი, ელექტრონული ვერსია, (ორნოვანი, 15 ტომი); ჟურნალ "კავკასიის რეფერატულ ჟურნალში" დაბეჭდილი ნაშრომების ანოტირებული საძიებელი ელექტრონული ვერსია (სამენოვანი, 6 ტომი).

დაიცვა სკანდიდატო დისერტაციის თემა - "ნაცვალსახელები ლეზგიური ჯგუფის ენებში" (კავკასიური ენების სპეციალობით), დაიცვა 1986 წელს; სადოქტორო დისერტაციის თემა კავკასიოლოგიაში - "კავკასიურ ენათა კომპიუტერული ენციკლოპედია", დაიცვა მოსკოვში 2003 წელს და მიენიჭა რუსეთის მეცნიერებათა აკადემიის დოქტორის ხარისხი.

• ევროპის კავკასიოლოგთა საზოგადოება, წევრი (1992-)
• კავკასიოლოგთა საერთაშორისო ასოციაცია, დამფუძნებელი, პრეზიდენტი (2000-)

• საქართველო-პოლონეთის ურთიერთობის ისტორიიდან (თანაავტორი). - თბილისი, 2012. - 133გვ.. - ISBN: 9789941048296
• ენობრივი განათლების პოლიტიკის განვითარება ევროპაში : სახელმძღვ. პრინციპები : ენობრივი მრავალფეროვნებიდან-მრავალენოვან განათლებამდე : ძირითალი ვერსია / ჟან კლოდ ბეკო, მიშელ ბაირამი (რედაქტორი). - თბილისი, საიმედო, 2008. - 140გვ.
• ენობრივი კომპეტენციების ევროპული სტანდარტები : წინასწარი კვლევა: განათლების ენები / ვოლდემარ მარტინიუკი (რედაქტორი). - თბილისი, საიმედო, 2008. - 28გვ.
• ევროპული ენობრივი პორტფელი = European language portfolio : დამხმარე სახელმძღვანელო მასწავლებელთათვის და მასწავლებელთა მოსამზადებლად=Guide for teachers and teacher trainers (რედაქტორი). - თბილისი, 2002. - 125გვ.