ნანული კაკაურიძე

დაბადების ადგილი: ქ. ქუთაისი.

დაამთავრა ქუთაისის მელიტონ ბალანჩივაძის სახელობის სამუსიკო სასწავლებელი 1958 წელს; 1962 წელს - ქუთაისის სახელმწიფო პედაგოგიური ინსტიტუტის ფილოლოგიის ფაკულტეტი, ქართული ენა, ლიტერატურა და გერმანული ენის სპეციალობით.

1958-1965წწ. - ფორტეპიანოს კლასის პედაგოგი ქუთაისის მელიტონ ბალანჩივაძის სახელობის სამუსიკო სასწავლებელში; 1962-1965წწ. - ქუთაისის სახელმწიფო პედაგოგიური ინსტიტუტის უცხო ენათა კათედრის მასწავლებელი; 1965-1986წწ. - ამავე ინსტიტუტის რუსული და საზღვარგარეთული ლიტერატურის ისტორიის კათედრის მასწავლებელი, უფროსი მასწავლებელი, დოცენტი; 1967-1970წწ. - თბილისის სახელმწიფო უნივერსიტეტის ასპირანტი გერმანული ლიტერატურის ისტორიის სპეციალობით; 1974 წელს ქუთაისის სახელმწიფო პედაგოგიური ინსტიტუტის ფილოლოგიის ფაკულტეტის დეკანი; 1975-1986წწ. - ქუთაისის საქალაქო კომიტეტის მესამე მდივანი; 1990-1991წწ. - აკაკი წერეთლის სახელმწიფო უნივერსიტეტის რექტორი; 1991-2005წწ. - აკაკი წერეთლის სახელმწიფო უნივერსიტეტის საზღვარგარეთული ლიტერატურის ისტორიის კათედრის გამგე; 2008-2013წწ. - ჰუმანიტარულ მეცნიერებათა ფაკულტეტის სადისერაციო საბჭოს თავმჯდომარე; 2000-2010წწ. - კოორდინაციას უწევდა ჰაიდელბერგის რუპრეჰტ კარლის უნივერსიტეტთან ქუთაისის უნივერსიტეტის პარტნიორულ ურთიერთობებს (DAAD-GIP); 2003 წლიდან - გოეთეს საერთაშორისო საზოგადოების საპატიო წევრი; საერთაშორისო კონფერენციების საორგანიზაციო კომიტეტის წევრი; მრავალი საერთაშორისო გრანტის მფლობელი; საერთაშორისო კონფერენციებისა და სიმპოზუმების მონაწილე. 8 მონოგრაფიის, 3 სახელმძღვანელოს და 85 სამეცნიერო ნაშრომის ავტორი. გერმანისტი, ფილოლოგიის მეცნიერებათა დოქტორი (1989), პროფესორი (1990).

საკანდიდატო დისერტაციის თემა - "ლენცის სოციალური დრამები", დაიცვა 1972 წელს; სადოქტორო დისერტაციის თემა - "შტურმერთა და იენის წრის რომანტიკოსთა ლიტერატურულ-ესთეტიკური შეხედულებები", დაიცვა 1989 წელს.

წყარო: აკაკი წერეთლის სახელმწიფო უნივერსიტეტის რექტორები = The rectors of Akaki Tsereteli State University/იმერ ბასილაძე, ნესტან კუტივაძე. -ქუთაისი, 2013. -გვ.52-58; აკაკი წერეთლის სახელმწიფო უნივერსიტეტი: atsu.edu.ge; ჰუმბოლდტის უნივერსიტეტი: humboldt-kolleg.com

• გოეთეს საერთაშორისო საზოგადოება, ქუთაისის განყოფილების პრეზიდენტი (1995-)
• გოეთეს საერთაშორისო საზოგადოება (გერმანია, ქ. ვაიმარი), პრეზიდიუმის უცხოელი წევრი (1999-)
• საქართველოს ლიტერატურათმცოდნეობის მეცნიერებათა აკადემია, ნამდვილი წევრი (2000-)

• ღირსების ორდენი

• დასავლეთევროპული დრამის თეორია და თეატრი : სალექციო კურსი (თანაავტორი). - ქუთაისი, აკაკი წერეთლის სახელმწ. უნ-ტის გამ-ბა, 2018. - 358გვ.. - ISBN: 9789941417221
• თომას მანის ”დოქტორ ფაუსტუსის” მითოპოეტიკა (თანაავტორი). - ქუთაისი, აკაკი წერეთლის სახელმწ. უნ-ტის გამ-ბა, 2015. - 194გვ.. - ISBN: 9789941455162
• Romantik - und DDR - Literaturforschung in der georgischen Germanistik (ავტორი). - ქუთაისი, Verl. der Staatlichen-Zereteli-Univ. Kutaissi, 2010. - 80p. . - ISBN: 978-9941-417-41-2
• თომას მანი და მუსიკალური რომანტიზმი=Thomas Mann und die musikalische Romantik (ავტორი). - ქუთაისი, ქუთაისის უნ-ტის გამ-ბა, 2001. - 164გვ.
• შტურმანთა და იენის წრის რომანტიკოსთა ლიტერატურულ-ესთეტიკური შეხედულებები (ავტორი). - თბილისი, განათლება, 1991. - 304გვ.
• თეორია და სინამდვილე : შტურმერთა ლიტ.-ესთეტ. შეხედულებანი და ადრეული გერმანული რომანტიზმის ლიტ. თეორია (ავტორი). - თბილისი, საბჭოთა საქართველო, 1989. - 182გვ.