სვიმონ წერეთელი

დაბადების ადგილი: სოფელი პერევი, ახლანდელი ჭიათურის მუნიციპალიტეტი.

დაამთავრა ქუთაისის სასულიერო სასწავლებელი, შემდეგ სემინარიაში ჩაირიცხა, მაგრამ მოსწავლეების საპროტესტო გამოსვლაში მონაწილეობის გამო გარიცხეს. სწავლა სამხედრო სკოლაში განაგრძო.

1896 წლიდან რუსეთის იმპერიის სამხედრო სამსახურში იყო; მსახურობდა სამეგრელოს გრენადერთა მე-16 პოლკში, შემდეგ ელიზავეტპოლის 156-ე ქვეით პოლკში; 1914-1918წწ. კაპიტნის წოდებით მონაწილეობდა I მსოფლიო ომში;  განსაკუთრებით გამოიჩინა თავი ერზრუმის აღების დროს; 1918-1921წწ. მსახურობდა საქართველოს რესპუბლიკის ჯარში პოლკოვნიკის წოდებით; 1919 წლის აპრილში აღკვეთა ჩრდილოეთ კავკასიიდან დარიალის ხეობაში ბოლშევიკების შემოღწევის მცდელობა, შემდეგ იყო შტაბის უფროსი სოჭის ფრონტზე (მცირედ ხნით დატყვევებული იყო დენიკინის ჯარების მიერ); 1921 წელს საქართველოს გასაბჭოების შემდეგ მოღვაწეობდა ოპოზიციურ იატაკქვეშეთში; 1924 წლის აგვისტოს აჯანყების დროს აჯანყებულებმა დანიშნეს სამხედრო ხელმძღვანელად ჭიათურაში; აჯანყების დამარცხების შემდეგ ტყეში გაიხიზნა და მოახერხა საქართველოს დატოვება. ცხოვრობდა საფრანგეთში, პარიზის ახლოს, სოფელ ლევილში. სამხედრო მოღვაწე, პოლკოვნიკი.

წყარო: ძველი მეგობარი : სვიმონ წერეთელი [ნეკროლოგი] // მებრძოლი საქართველო. - №1. - 1952. - გვ. 27-28 (dspace.nplg.gov.ge)

• 1915 - წმინდა სტანისლავის II ხარისხის ორდენი