ფერიდე ნიჟარაძე

დაიბადა ალი დედეს ძე ნიჟარაძის ოჯახში, რომელიც აჭარაში გამორჩეული იყო თავისი ევროპული განათლებითა და ცხოვრების წესით, ამ ოჯახში ხშირად იკრიბებოდნენ ცნობილი ადამიანები – პეტრე უმიკაშვილი, ალექსანდრე ყაზბეგი, ზაქარია ჭიჭინაძე, თედო სახოკია, დავით კლდიაშვილი და სხვა ცნობილი ადამიანები. ფერიდე ნიჟარაძე სწავლობდა ქალთა სკოლაში შემდეგ კი – მაშინდელ ბათუმის ინსტიტუტში. იურისტის განათლება  მოსკოვის ლომონოსოვის უნივერსიტეტში მიიღო. ის იყო პირველი პროკურორი ქალი და იუსტიციის მინისტრის მოადგილე. წლების განმავლობაში იყო ბათუმის  მიუსაფარ ბავშვთა სახლის დირექტორი. ფერიდე ნიჟარაძე ერთ-ერთი პირველი ქალი იყო, ვინც სარწმუნოებრივი შეზღუდვების თუ იმდროინდელ საზოგადოებაში არსებული სტერეოტიპების მიუხედავად, აქტიურ საზოგადოებრივ ცხოვრებაში ჩაერთო და ქალების ე.წ. კარჩაკეტილობის სტიგმა დაარღვია, ქალთა უფლებების აქტიური დამცველი და ჩადრის ახსნის ინიცატორი; იბრძოდა განათლების, რწმენისა და ოჯახში თანასწორობისთვის. პირველი აჭარელი იურისტი ქალი.

წყარო: გაზეთი "ბათუმელები": batumelebi.netgazeti.ge; tormeti.com; ajaratv.ge

• აჭარის უმაღლესი სასამართლო, წევრი (1934-)