დედე-აღა ნიჟარაძე

დაბადების რაიონი: სოფელი ალამბარი, ქობულეთის რაიონი.

დედე-აღა ნიჟარაძე - ქობულეთის მხარის მემამულეთა წარმომადგენელი, იყო ოსმალეთის სამხედრო და ადმინისტრაციულ სამსახურში, ბათუმის სანჯაყის მეჯლისის წევრი. რუსეთ-თურქეთის ომის (1877-1878) დროს რუსეთის მხარეს გადავიდა და რამდენიმე ასეულ ქობულეთელთან ერთად ქართული მილიციის რიგებში ჩადგა. თავად გურიელის რაზმში ალამბრის ასეულს მეთაურობდა. მინიჭებული ჰქონდა შტაბს-კაპიტნის წოდება. გულო კიკაციშვილთან ერთად იყო ქობულეთში პირველი ქართული სკოლის გახსნის ინიციატორი. ქართველი მუსლიმი სამხედრო და საზოგადო მოღვაწე. იურისტისა და პოლიტიკური მოღვაწის რეჯებ ნიჟარაძის მამა.

წყარო: ნიჟარაძეთა სათავადო სახლი: nizharadzeta.wordpress.com; საზოგადოებრივი მაუწყებლის აჭარის ტელევიზია: ajaratv.ge