ვლადიმერ სანაკოევი

დაბადების ადგილი: სოფელი ჯავა, გორის მაზრა (ახლანდელი ცხინვალის რ-ნი).

დაამთავრა არდონის სასულიერო სემინარია 1904 წელს.

გაემგზავრა ციმბირში და მუშაობდა ციმბირის რკინიგზის სხვადასხვა სადგურზე; 1914 წლიდან სწავლობდა პეტერბურგის ფსიქონევროლოგიური ინსტიტუტის სამედიცინო ფაკულტეტზე; აქტიური მონაწილეობა მიიღო 1917 წლის თებერვლის რევოლუციაში; ოქტომბრის რევოლუციის შემდეგ, ქ. გდოვში გაემგზავრა, სადაც სხვადასხვა პასუხსაგებ თნამდებობაზე მუშობდა და ხელმძღვანელ ორგანოებში იყო არჩეული; 1918 წელს დაბრუნდა სამხრეთ ოსეთში და აქტიურად ჩაება ოლქის პარტორგანიზაციის მუშაობაში; იყო სამხრეთ ოსეთის საოლქო პარტიული კომიტეტის თავმჯდომარე; 1919-1920წწ. მონაწილეობდა საქართველოს მენშევიკური მთავრობის წინააღდეგ ბრძოლაში; 1922-1924წწ. მუშაობდა სამხრეთ ოსეთის საოლქო კომიტეტის პასუხისმგებელ მდივნად; შემდეგ - ოლქის გზათა მშენებლობის სამმართველოს უფროსად, განათლების სახალხო კომისრად, სამეცნიერო-კვლევითი ინსტიტუტის დირექტორად; 1937 წელს კონტრრევოლუციური საქმიანობისათვის დააპატიმრეს. ბრალად დაედო, რომ იყო კონტტრევოლუციურად განწყობილი. სასჯელის ზომა იყო დახვრეტა, პირადი ქონების კონფისკაციით. სამხრეთ ოსეთის ბოლშევიკური ორგანიზაციის ერთ-ერთი დამაარსებელი.

წყარო: ქართული საბჭოთა ენციკლოპედია: ტ.9.-თბ., 1985.-გვ.75; საქართველოს პარლამენტის ეროვნული ბიბლიოთეკა: dspace.nplg.gov.ge

• კომუნისტური პარტია, წევრი (1917-)