ჯემალ მაზიაშვილი

დაბადების ადგილი: ქ. თბილისი.

დაამთავრა საქართველოს თეატრალური ინსტიტუტი.

თეატრალური ინსტიტუტის დასრულების შემდეგ იყო მარჯანიშვილის თეატრის მსახიობი; 1967 წელს, მარჯანიშვილის თეატრიდან წამოსვლის შემდეგ, რუსთავის თეატრის ერთ-ერთი დამაარსებელია; მარჯანიშვილისა და რუსთავის თეატრის სცენებზე მრავალი დასამახსოვრებელი როლი აქვს შესრულებული; 1991-2005 წწ. იყო რუსთავის თეატრის დირექტორი და დიდი წარმატებით უძღვებოდა თეატრის ადმინისტრაციულ-შემოქმედებით საქმიანობას; 1979 წელს, უნგრეთიდან მოწვეული შემოქმედებითი ჯგუფის მიერ განხორციელებულ სპექტაკლში – "ის ლამაზი, მზიანი დღე" – ჯემალ მაზიაშვილის მიერ ძულას როლის შესრულება, უნგრეთის პრეზიდიუმის საპატიო სიგელით აღინიშნა; 1979-1980 წწ. დათიკო მეგრელიშვილის როლის განსახიერებისთვის გ. ბათიაშვილის პიესაში "ვალი" - სეზონის მამაკაცის როლის საუკეთესო შესრულებისთვის ჯილდო მიაკუთვნეს; 1998 წელს რუსთავის საერთაშორისო თეატრალური ფესტივალის "ოქროს ნიღაბი" დაფუძნებისა და მაღალ დონეზე ჩატარებისთვის საქართველოს პრეზიდენტის საპატიო სიგელი გადაეცა; 2017 წლის 30 ნოემბერს რუსთავის თეატრის 50 -ე საიუბილეო სეზონის ფარგლებში, ჯემალ მაზიაშვილის შემოქმედებისა და მოღვაწეობის შესახებ წიგნის "ჯემალ მაზიაშვილი" წარდგინება გაიმართა (ავტორი თეატრმცოდნე ვაჟა ძიგუა), ხოლო თეატრის წინ ჯემალ მაზიაშვილის ვარსკვლავი გაიხსნა.

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.456

• 2018 - ხელოვნების ქურუმი
• 2003 - რუსთავის საპატიო მოქალაქე
• 1998 - ღირსების ორდენი
  ქართული თეატრალური ხელოვნების განვითარება-პოპულარიზაციის საქმეში შეტანილი პირადი წვლილისათვის
• 1980 - საქართველოს დამსახურებული არტისტი