ბაბო ბაგრატიონ-დავითაშვილი

სწავლობდა პეტერბურგში და იქ მყოფ ქართველ სტუდენტებს აქტიურად ეხმარებოდა, შესანიშნავად ფლობდა უცხო ენებს. ბაბო ბაგრატიონ-დავითაშვილმა რეკლამა გაუკეთა იმ დროისთვის უნიკალურ ქართულ ბრენდს, სარაჯიშვილის კონიაკს (სარეკლამო ფოტოსურათის ავტორია ალექსანდრე როინაშვილი). იგი ივანე მაჩაბლის მეუღლის, ულამაზესი ანასტასია ბაგრატიონ-დავითაშვილის უმცროსი და იყო. განათლებული, ქველმოქმედი, ბაბო ბაგრატიონ-დავითაშვილი მეგობრობდა თავისი დროის ცნობილ მოღვაწეებთან, მათ შორის იყვნენ აკაკი წერეთელი,  და-ძმა მარჯორი და ოლივერ უორდროპები და სხვ. XIX საუკუნის მიწურულის ერთ-ერთი პირველი ქართველი ფოტომოდელი.

წყარო: ქალთა ემანსიპაცია საქართველოში : XIX-XX საუკუნეები: issuu.com (გვ.30)