რაისა ქარაია

დაბადების ადგილი: ქ. გალი.

დაამთავრა საქართველოს სასოფლო-სამეურნეო ინსტიტუტის დაუსწრებელი განყოფილება სწავლული აგრონომის კვალიფიკაციით 1965 წელს.

1962 წლიდან მუშაობდა მემცენარეობის საკავშირო სამეცნიერო კვლევითი ინსტიტუტის სოხუმის საცდელ სადგურში უფროს მეცნიერ მუშაკად; 1974 წლიდან მუშაობდა ციტრუსების განყოფილებაში, სადაც ხელმძღვანელობდა გრეიფრუტისა და თურინჯის ჯგუფს; 50-ზე მეტი სამეცნიერო შრომის ავტორია, მათ შორის გრეიფრუტისა და თურინჯის მსოფლიო კოლექციის კატალოგის, წიგნის "გრეიფრუტი და თურინჯი სსრკ-ში" და განყოფილებისა წიგნში "საბჭოთა კავშირის კულტურული ფლორა; მონაწილეა თურინჯის დარაიონებული ჯიშის - "ხეთურის" გამოყვანის და ავტორია ციტრუსების 6 ახალი ჯიშისა; 1959-1963წწ. იყო გალის საქალაქო საბჭოს ორი მოწვევის და 1975-1987წწ. გულრიფშის სადაბო საბჭოს ხუთი მოწვევის დეპუტატი; გულრიფშის რაიონის ქალთა საქველმოქმედო საზოგადოება "წმინდა ნინოს" თავმჯდომარე; 1991 წლის 29 ნოემბერს კენჭს იყრიდა გულრიფშის რაიონის №49 საარჩევნო ოლქში აფხაზეთის ასსრ-ის უზენაესი საბჭოს დეპუტატად; იყო აფხაზეთის ასსრ-ის XII მოწვევის დეპუტატი; მიღებული აქვს აფხაზეთის ასსრ უმაღლესი საბჭოს პრეზიდიუმის საპატიო სიგელი. სოფლის მეურნეობის მეცნიერებათა კანდიდატი.

წყარო: აფხაზეთის ავტონომიური რესპუბლიკის უმაღლესი საბჭო: scara.gov.ge

• აფხაზეთის ავტონომიური რესპუბლიკის უმაღლესი საბჭო, წევრი

• სსრკ სახალხო მეურნეობის მიღწევათა გამოფენა (ВДНХ) (ვერცხლის მედალი)

• სასოფლო-სამეურნეო პროდუქტები : საკვები და მკურნალი : პრაქტიკული რჩევები და რეკომენდაციები (თანაავტორი). - თბილისი, საქ. მეცნ. ეროვნ. აკადემიის სტამბა, 2016. - 446გვ.. - ISBN: 9789941087950
• მსხვილნაყოფა ციტრუსები გრეიპფრუტი და პომპელმუსი (ავტორი). - თბილისი, საქ. მეცნ. ეროვნ. აკად. სტ., 2011. - 196გვ.. - ISBN: 9789941037863
• მცენარეული რესურსების გენოფონდის აფხაზეთის ნ. ვავილოვის სახელობის სამეცნიერო-კვლევითი ცენტრი (ავტორი). - თბილისი, საქ. მეცნ. ეროვნ. აკად. სტ., 2010. - 48გვ.. - ISBN: 9789941025426