ჯონი ტატუნაშვილი

დაბადების ადგილი: სოფელი ყანჩავეთი, ახლანდ. ახალგორის მუნიციპალიტეტი.

დაამთავრა საქართველოს თავდაცვის სამინისტროს გაერთიანებული სამხედრო აკადემია - ისტორიკოსი  (ბაკალავრი) 1997 წელს; საქართველოს ტექნიკური უნივერსიტეტი - დოქტორანტი; სსიპ - დავით აღმაშენებლის სახელობის საქართველოს ეროვნული თავდაცვის აკადემია - სამეთაურო საშტაბო კურსი (CGSC).

1993 წლიდან მსახურობდა საქართველოს შეიარაღებულ ძალებში; 1997-2001წწ. იყო დაზვერვის სამმართველოს სასწავლო ცენტრის ოცმეთაური, შემდეგ ასმეთაური; 2001-2002წწ. სპეციალური დანიშნულების ძალების "კომანდოს" ბატალიონის ოპერატიული და საბრძოლო მომზადების სამსახურის უფროსი; 2003-2005წწ. სპეციალური დანიშნულების ბრიგადის უზრუნველყოფის ბატალიონის მმართველობის ოპერატიული და საბრძოლო მომზადების ოფიცერი; 2005-2008წწ. I ქვეითი ბრიგადის მსუბუქი ქვეითი ბატალიონის მეთაური, შემდეგ იმავე ბრიგადის მმართველობის შტაბის უფროსი; 2008-2015წწ. ეკავა სახმელეთო ჯარების სარდლობის შტაბის უფროსის, შემდეგ უსაფრთხოების ხელშეწყობის საერთაშორისო ძალების (ISAF) შემადგენლობაში ავღანეთში სამხედრო წარმომადგენლობის უფროსი სამხედრო წარმომადგენლის, J-7 სამხედრო განათლებისა და საბრძოლო მომზადების დეპარტამენტის საბრძოლო მომზადების სამმართველოს უფროსის თანამდებობები; 2015-2016წწ. მეთაურობდა V ქვეით ბრიგადას; 2016-2019წწ. იყო დასავლეთის სარდლის მოადგილე; 2019-2020წწ.  დასავლეთ სარდლის მოვალეობის შემსრულებელი; 2020 წლის ივლისიდან თავდაცვის ძალების მეთაურის მოადგილე და გენერალური შტაბის უფროსი; მონაწილეობა აქვს მიღებული კონფლიქტში ცხინვალის რეგიონში (2004), რუსეთ-საქართველოს ომში (2008), ასევე საერთაშორისო მისიებში კოსოვოში, ერაყსა და ავღანეთში. დაჯილდოებულია უწყებრივი და სახელმწიფო ჯილდოებით მათ შორის ნატოს მედლით, სამსახურებრივი - საშტატო იარაღით. ქართველი ბრიგადის გენერალი (2020).

წყარო: საქართველოს თავდაცვის სამინისტრო: mod.gov.ge

• მედალი "სამშობლოსათვის თავდადებული"
• მედალი "სამშვიდობო ოპერაციებში მონაწილეობისთვის"
• მედალი "სამშვიდობო ოპერაციებში მონაწილეობისთვის"
• მედალი "გენერალი კვინიტაძე"
• მედალი "საბრძოლო დამსახურებისთვის"
• მედალი "საქართველოს თავდაცვის სამინისტროს სისტემაში უმწიკვლო სამსახურისათვის" (I ხარისხი)
• მედალი "მხედრული მამაცობისთვის"