მიხეილ ბაჯელიძე

დაბადების ადგილი: სოფელი ხუცუბანი, ქობულეთის რაიონი.

დაამთავრა ქ. ბათუმის საზღვაოსნო სასწავლებელი სპეციალობა შტურმანის სპეციალობით 1981 წელს.

მსახურობდა ქ. ფოთში საგუშაგო ხომალდ "დელფინის" საბრძოლო ნაწილის პირველ მეთაურად (27.09.1986-11.10.1986); 1992-1995წწ. მსახურობდა საქართველოს შინაგან ჯარში; 1989-1992წწ. სოფელ გვარას საშუალო სკოლის დაწყებითი სამხედრო მომზადების მასწავლებლად; 1995 წელს საქართველოს საზღვაო ძალების საზღვაო დივიზიონის შტურმანად; 1996-1997წწ. საქართველოს საზღვაო ძალების საპატრულო გემების დივიზიონის კატარღის მეთაურად; 1997-1998წწ. საქართველოს საზღვაო ძალების შერეული სამხედრო საზღვაო ბრიგადის საპატრულო კატარღის "გრიფი-104"-ის მეთაურად; 1998-1999 წწ. საქართველოს საზღვაო ძალების ხომალდ  "201"-ის მეთაურად; 1999-2000წწ. საქართველოს საზღვაო ძალების ცალკეული საზღვაო დივიზიონის დიდი საპატრულო კატარღა "202"-ის მეთაურად; საქართველოს საზღვაო ძალების სამხედრო-საზღვაო ბაზის საპატრულო ხომალდების დივიზიონის მეთაურად (2000); 2000-2001წწ. ეკავა საქართველოს საზღვაო ძალების საარტილერიო ხომალდების დივიზიონის მეთაურის თანამდებობა; 2001-2003წწ. საქართველოს საზღვაო ძალების საპატრულო კატარღების დივიზიონის მეთაურის თანამდებობა; საქართველოს საზღვაო ძალების სამხედრო საზღვაო ბრიგადის სანაპირო დაცვის საპატრულო სადარაჯო ხომალდების დივიზიონის მეთაურის თანამდებობა (2003); 2003-2004წწ. საქართველოს საზღვაო ძალების სამხედრო საზღვაო ბრიგადის შტაბის უფროსის თანამდებობა და ასრულებდა სამხედრო საზღვაო ბრიგადის მეთაურის მოვალეობას; 2004-2008წწ. საქართველოს საზღვაო ძალების ბათუმის სამხედრო საზღვაო ბაზის მეთაურის თანამდებობა; 2008-2009წწ. თავდაცვის ეროვნული აკადემიის სამხედრო-საზღვაო ძალების ოფიცერთა მომზადების კურსების სპეციალიზაციის კურსის საბრძოლო შეიარაღების მთავარი სპეციალისტის თანამდებობა; თავდაცვის ეროვნული აკადემიის სამეთაურო საშტაბო კურსის ინსტრუქტორთა განყოფილების უფროსი ინსტრუქტორის თანამდებობა (2009); 2010-2011წწ. თავდაცვის ეროვნული აკადემიის კოორდინირებისა და მონიტორინგის განყოფილების ლოგისტიკური მომზადების სწავლების უფროსი ოფიცრის თანამდებობა; 2011-2013წწ. თავდაცვის სამინისტროს გენერალური შტაბის წვრთნებისა და სამხედრო განათლების სარდლობის მართვის ცენტრში; 2013-2016წწ. გენერალური შტაბის საზღვაო თავდაცვის დეპარტამენტის განვითარებისა და რესურსების დაგეგმვის სამმართველოს უფროსის თანამდებობა; 2016 წლიდან ბათუმის სახელმწუფო საზღვაო აკადემიის შინაგანაწესის, კონტროლის და შრომის უსაფრთხოების სამსახურის უფროსი. მ. ბაჯელიძის მეთაურობით ჩამოყვანილია ყველა მცურავი საშუალება, რომლებიც საქართველოს სამხედრო საზღვაო ძალებს საჩუქრად გადმოსცეს მეგობარმა ქვეყნებმა, კერძოდ: "ივერია", "მესტია", "ქუთაისი", "გურია" და "ატია". თადარიგის პირველი რანგის კაპიტანი.

• მედალი "საქართველოს თავდაცვის სამინისტროს სისტემაში უმწიკვლო სამსახურისათვის" (I ხარისხი)
  საბრძოლო დამსახურებისთვის
• მედალი "გენერალი კვინიტაძე"
• მედალი "გენერალი მაზნიაშვილი"
• მედალი "საქართველოს თავდაცვის სამინისტროს სისტემაში უმწიკვლო სამსახურისათვის" (II ხარისხი)
  საბრძოლო დამსახურებისთვის