გიორგი ჭიაბრიშვილი

არის საქართველოს ორგზის საუკეთესო მწვრთნელი (2018, 2020) ეროვნული ლიგის ორგზის ჩემპიონი ზესტაფონის "ზესტაფონთან" (2011-2012) და თბილისის "საბურთალოსთან" (2018) ერთად; 2015 წელს "საბურთალოსთან" ერთად ეროვნული ლიგა 2-ის ჩემპიონი გახდა და არსებობის ისტორიაში პირველად, კლუბი ეროვნულ ლიგაში დააწინაურა; 2019 წელს "საბურთალოსთან" ერთად მოიგო დავით ყიფიანის სახელობის საქართველოს თასი; 6 წლის განმავლობაში საფეხბურთო კლუბ "საბურთალოს" მთავარი მწვრთნელი იყო; მისი აღზრდილები არიან საქართველოს ეროვნული ნაკრების წევრები - გიორგი ხარაიშვილი, ლაზარე კუპატაძე და ნიკოლოზ მალი; საკლუბო კარიერა: ეროვნულ ლიგაში დამოუკიდებელი სამწვრთნელო კარიერა 2011-2012 წლის სეზონში "ზესტაფონში" დაიწყო და პირველივე წელს საქართველოს ჩემპიონი გახდა; 2008 წლიდან ის "ზესტაფონში" მთავარი მწვრთნელის, გია გეგუჩაძის ასისტენტად მუშაობდა; საქართველოს ჩემპიონი ასისტენტის რანგშიც გახდა, 2010/2011 წელს; სამწვრთნელო კარიერაში ერთ-ერთი ყველაზე მნიშვნელოვანი ეტაპი 2015 წელს დადგა, როცა "საბურთალოსთან" ერთად, აკადემიის აღსაზრდელებით ეროვნული ლიგა 2-ის ჩემპიონი გახდა და კლუბის არსებობის ისტორიაში პირველად, ეროვნული ლიგის საგზური მოიპოვა.; ეროვნულ ლიგაში ზედიზედ 3 წლიანი ასპარეზობის შემდეგ, 2018 წელს ჭიაბრიშვილი "საბურთალოსთან" ერთად გახდა საქართველოს ჩემპიონი; ჩემპიონობის შემდეგ, "საბურთალომ" სადებიუტო მატჩები ჩაატარა ევროტურნირებზე; ჩემპიონთა ლიგის პირველ საკვალფიკაციო ეტაპზე მის გუნდმა სენსაციურად, სტუმრად მოლდოვის ჩემპიონი ტირასპოლის "შერიფი" 3-0 დაამარცხა; თბილისში, საპასუხო მატჩი "საბურთალომ" 3-1 დათმო და მეორე ეტაპზე ასპარეზობის უფლება მოიპოვა. ზაგრების "დინამოსთან" ორი მატჩის ჯამში "საბურთალო" 5-0 დამარცხდა და ევროპა ლიგის მესამე საკვალიფიკაციო ეტაპზე გადაინაცვლა; სტუმრად, ერევანში ჭიაბრიშვილის გუნდმა "არარატი" 2-1 დაამარცხა, თბილისში კი უპირატესობა ვერ შეინარჩუნა და 2-0 წააგო. ევროტურნირის პირველივე სეზონში, "საბურთალომ" ევროპა ლიგის მესამე საკვალიფიკაციო ეტაპზე გასვლა მოახერხა; 2020 წლის ივლისში თბილისის "ლოკომოტივის" მთავარი მწვრთნელი გახდა და თბილისური კლუბის ისტორიაში, ყველაზე წარმატებული ევროსეზონის ავტორიც გახდა; 2020 წლის ევროპა ლიგის საკვალიფიკაციო ეტაპზე, თბილისის "ლოკომოტივმა" არსებობის ისტორიაში პირველად ორი ეტაპი გაიარა; სანაკრებო კარიერა: "საბურთალოში", საკლუბო კარიერის პარალელურად, საქართველოს 21 წლამდე ნაკრებშიც იმუშავა; 2015-2016წწ. იგი ახალგაზრდულ ნაკრებში გია გეგუჩაძის ასისტენტი იყო; სამწვრთნელო მიღწევები: "ზესტაფონი" ეროვნული ლიგა - ჩემპიონი (2011-2012), დავით ყიფიანის თასი - ფინალისტი (2011-2012), "საბურთალო"ეროვნული ლიგა 2 - ჩემპიონი (2014-2015), ეროვნული ლიგა - ჩემპიონი (2018), დავით ყიფიანის თასი - გამარჯვებული (2019); ინდივიდუალური ჯილდოები: "საბურთალო" ეროვნული ლიგის საუკეთესო მწვრთნელი (2018), "თბილისის ლოკომოტივი" ეროვნული ლიგის საუკეთესო მწვრთნელი (2020). ქართველი პროფესიონალი საფეხბურთო მწვრთნელი, 2020 წლიდან თბილისის "ლოკომოტივის" მთავარი მწვრთნელი.

წყარო: ლიდერ სპორტი: leadersport.ge