რომან მკურნალი

დაამთავრა თბილისის სამხედრო სასწავლებელი 1908 წელს.

მსახურობდა მე-20 მსროლელთა პოლკში (სუვალკი, პოლონეთი), შემდეგ იყო ხარკოვის გუბერნიის ჟანდარმერიის სამმართველოს ადიუტანტი; 1918-1921 წლებში მსახურობდა საქართველოს რესპუბლიკის გენერალური შტაბის სადაზვერვო განყოფილებაში, პოდპოლკოვნიკი; საქართველოს გასაბჭოების შემდეგ პოლიტიკური ემიგრანტი; ცხოვრობდა ბერლინში, 1933 წელს მონაწილეობა მიიღო "ქართველ ნაციონალისტთა ორგანიზაციის" დაარსებაში; თანამშრომლობდა ქართველი ნაციონალისტების გაზეთ "კლდესთან" (რედაქტორი შალვა ქარუმიძე 1934-1936); აქვეყნებდა პუბლიცისტურ წერილებს ფსევდონიმებით, მათ შორის აღსანიშნავია 1934 წელს "კლდეში" (№4-5) დაბეჭდილი "მიზეზნი ჩვენი დამარცხებისა", რომელშიც 1918-1921 წლებში საქართველოში მიმდინარე მოვლენებია ასახული. გარდაიცვალა იტალიაში. ქართული ემიგრაციის წარმომადგენელი, ცნობილი ქუთაისელი პედაგოგის, კონსტანტინე (კოწია) მკურნალის (1856-1918) შვილი, საქართველოს დემოკრატიული რესპუბლიკის ჯარების გენშტაბის პოდპოლკოვნიკი.

• ეროვნულ-დემოკრატიული პარტია, წევრი

• 1915 - წმინდა სტანისლავის III ხარისხის ორდენი