თეა შურღაია

დაბადების ადგილი: ქ. ფოთი.

დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი სპარსული ენისა და ლიტერატურის სპეციალობით 1985 წელს; უცხო ენათა პედაგოგიურ ინსტიტუტთან არსებული უცხო ენების (გერმანული) კურსები 1984 წელს; იყო აკად. გიორგი წერეთლის სახელობის სტიპენდიანტი, გაიარა ერთთვიანი სტაჟირება ისპაჰანის (ირანი) სახელმწიფო უნივერსიტეტში 1996 წელს.

1985 წლიდან მუშაობს თბილისის სახელმწიფო უნივერსიტეტში - ჯერ ლაბორანტად, შემდეგ მასწავლებლად, ასისტენტ-პროფესორად; 2009 წლიდან ივანე ჯავახიშვილის სახელობის თბილისის სახელმწიფო უნივერსიტეტის ირანისტიკის კათედრის ასოცირებული პროფესორია; 2018 წლიდან ხელმძღვანელობს ამავე კათედრას; 1993-2004წწ. მუშაობდა თბილისში ირანის ისლამური რესპუბლიკის საელჩოში თარჯიმნად და ელჩის მდივნად; 2005-2011წწ. იყო აკად. გ. წერეთლის აღმოსავლეთმცოდნეობის ინსტიტუტის უფროსი მეცნიერ-თანამშრომელი; 2008 წ. პროგრამის Cambridge Colleges’ Hospitality Scheme" ფარგლებში ინდივიდუალური კვლევითი გრანტით იმყოფებოდა კემბრიჯის უნივერსიტეტში; 2020 წლიდან - თსუ აღმოსავლეთმცოდნეობის ს/ს ინსტიტუტის წელიწდეულის "აღმოსავლეთმცოდნეობა Oriental Studies" სარედაციო კოლეგიის წევრია; თარგმნის თანამედროვე სპარსულ პროზასა და ესეისტიკას; საქართველოსა და მის ფარგლებს გარეთ გამოქვეყნებული აქვს 50-მდე სამეცნიერო ნაშრომი, არის არაერთი მნიშვნელოვანი გამოცემის რედაქტორი. ირანისტი, მთარგმნელი, პარემიოლოგი. დაჯილდოებულია შაჰრიარის სახელობის საერთაშორისო კულტურის ორდენით (თავრიზის უნივერსიტეტი, ირანის ისლამური რესპუბლიკა, 2017).

საკანდიდატო დისერტაციის თემა - "სპარსული პარემიოგრაფია და სპარსული ანდაზის აზრობრივი სტრუქტურა", დაიცვა 2004 წელს.

• არჩევანი : მოთხრობები / გოლი თარაყი (მთარგმნელი). - თბილისი, დიოგენე, 2017. - 266გვ.. - ISBN: 9789941115493
• პოლკოვნიკის მიმწუხრი : რომანი (მთარგმნელი). - თბილისი, დიოგენე, 2016. - 244გვ.. - ISBN: 9789941115370
• ლევინ ვარნერი და მისი "ასი სპარსული ანდაზა და სენტენცია" = Levin Warner and his A Hundred persian proverbs and aphorisms (ავტორი). - თბილისი, ქართული აკადემიური წიგნი, 2014. - 160გვ.. - ISBN: 9789941937217
• შევეგუებით : რომანი, მოთხრობები / ზოია ფირზადი (მთარგმნელი). - თბილისი, დიოგენე, 2013. - 522გვ.. - ISBN: 9789941114069
• თოთხმეტი სევდიანი ამბავი : თანამედროვე სპარსული პროზა (მთარგმნელი). - თბილისი, უნივერსალი, 2008. - 266გვ.. - ISBN: 9789941121975
• ადამიანობა და თანამდებობა : მოჰამადალი ალი ესლამი ნოდუშანი (მოჰამად დიდევარი) (მთარგმნელი). - თბილისი, მერანი, 2004. - 159გვ.
• სახლი ზეცაში : ნოველები / გოლი თარაყი (მთარგმნელი). - თბილისი, დიოგენე, 2004. - 220გვ. - ISBN: 9994016679