მიტროფანე კუჭავა

დაბადების ადგილი: სოფელი გურიფული, ხობის რაიონი.

დაიბადა გლეხის ოჯახში; 8 კლასი დაამთავრა ხობში; შემდეგ სწავლა განაგრძო თბილისში, სადაც სკოლის დირექტორი და ლოგიკა-ფსიქოლოგიის მასწავლებელი იყო პროფესორი შალვა ნუცუბიძე; სკოლის დამთავრების შემდეგ სწავლა განაგრძო თბილისის პოლიტექნიკურ ინსტიტუტში; 1948-1951წწ. წლებში სწავლობდა საბჭოთა კავშირის კომუნისტური პარტიის ცენტრალურ კომიტეტთან არსებულ უმაღლეს პარტიულ სკოლაში. 
1930-1941 წლებში მუშაობდა თბილისის სტალინის სახელობის ორთქმავალ-ვაგონშემკეთებელ ქარხანაში სხვადასხვა თანამდებობაზე; 1941-1947წწ. გაგრის რაიკომის მდივნად; 1951-1953წწ. ზუგდიდის რაიკომის მდივნად; 1953-1976წწ. საქართველოს პროფსაბჭოს თავმჯდომარედ; საქართველოს სსრ მინისტრთა საბჭოს თავმჯდომარის პირველ მოადგილედ; საგარეო საქმეთა მინისტრად; სოფლის მეურნეობის მინისტრად; პარტიული სახელმწიფო კომიტეტის თავმჯდომარედ, ერთსა და იმავე დროს საქართველოს კპ ცკ მდივნად და მინისტრთა საბჭოს თავმჯდომარის მოადგილედ; სახალხო კონტროლის კომიტეტის თავმჯდომარედ; საქართველოს სატყეო მეურნეობის სახელმწიფო კომიტეტის თავმჯდომარედ; 1953-1970წწ. იყო საქართველოს კპ ცკ ბიუროს წევრი, საქართველოს სსრ-ს II-III და აფხაზეთის ასსრ-ის II მოწვევების უმაღლესი საბჭოს დეპუტატი; 1953 წლის დეკემბერში იყო ბერიას წინააღმდეგ სსრ კავშირის უმაღლესი საბჭოს სპეციალურის სასამართლო პროცესის წევრი; საქართველოს საბჭოთა სახელმწიფო და პარტიული მოღვაწე. 

წყარო: ლევან ღვინჯილიას ბლოგი: gnostikosi.blogspot.com

• საკავშირო კპ(ბ), წევრი (1937-)

• მედალი "1941-1945 წლებში დიდ სამამულო ომში გერმანიაზე გამარჯვებისთვის"
• მედალი "1941-1945 წლებში დიდ სამამულო ომში მამაცური შრომისთვის"
• მედალი "კავკასიის დაცვისთვის"
• საპატიო ნიშნის ორდენი
• შრომის წითელი დროშის ორდენი (4 ორდენი)
• წითელი ვარსკვლავის ორდენი
• ლენინის ორდენი

• ლავრენტი ბერიას და მის თანამზრახველთა სასამართლო პროცესი : სასამართლოს წევრის დღიურიდან (ავტორი). - თბილისი, ინტელექტი : კახმეგ კუდავა, 1996. - 64გვ.