მისოკოდი ადამია

დაბადების ადგილი: სოფელი ეკი, სენაკის რაიონი.

დაამთავრა ქ. მოსკოვის დაუსწრებელი საფინანსო-ეკონომიკური ინსტიტუტი, მატერიალურ-ტექნიკური მომარაგების ეკონომიკისა და დაგეგმარების სპეციალობით.

1951-1958წწ. მუშაობდა საქართველოს მშენებლობის სამინისტროს №1 სამშენებლო ტრესტ "ამიერკავკასმეტალურგმშენის" სისტემაში მშენებელ ოსტატად, ნორმადარად, სამუშაო მწარმოებლად; 1958-1959წწ.  №10076 სამხედრო ნაწილში უფროს სამუშაოთა მწარმოებლად; 1960-1964წწ. საქართველოს მშენებლობის სამინისტროს №1 სამშენებლო ტრესტ "ამიერკავკასმეტალურგმშენის" სამშენებლო სამმართველო "ბიჭვინთმშენის" მატერიალურ-ტექნიკური მომარაგების განყოფილების უფროსად; 1965-1968წწ. საქართველოს სასოფლო მშენებლობის სამინისტროს №2 სამშენებლო ტრესტის სისტემაში მომარაგების განყოფილების უფროსად, სამრეწველო საწარმოთა კომბინატის საამქროს უფროსად; 1969-1971წწ. საქართველოს მშენებლობის სამინისტროს სამშენებლო ტრესტ "ბიჭვინთმშენის" მატერიალურ-ტექნიკური მომარაგების სამმართველოს უფროსად; 1971-1977წწ. მუშაობდა საქართველოს მშენებლობის სამინისტროს №16 სამშენებლო ტრესტ "კურორტმშენის" (ყოფილი "ბიჭვინთმშენი") საწარმოო-ტექნოლოგიური კომპლექტაციის სამმართველოს უფროსად; 1977-1983წწ. მუშაობდა საქართველოს მშენებლობის სამინისტროს ბზიფის ექსპერიმენტალური სახლმშენებელი კომბინატის (ყოფილი №16 სამშენებლო ტრესტი "კურორტმშენი") საწარმოო-ტექნოლოგიური კომპლექტაციის სამმართველოს უფროსად; 1983-1989წწ. გადაყვანილ იქნა საბჭოთა კავშირის მშენებლობის სამინისტროს ქ. ულიანოვსკის სპეციალიზებულ სამშენებლო სამმართველო "ოტდელსპეცსტროი"- ს უფროს სამუშაოთა მწარმოებლად; 1989 წლიდან გადავიდა დამსახურებულ პენსიაზე; სამშენებლო სფეროში მრავალწლიანი მოღვაწეობის პერიოდში, დიდი წვლილი აქვს შეტანილი აფხაზეთის ავტონომიური რესპუბლიკის ტერიტორიაზე, კერძოდ ქ. გაგრის რეგიონში, კულტურულ-საგანმანათლებლო, ინფრასტრუქტურული და საყოფაცხოვრებო დანიშნულების ობიექტებისა და მსხვილი საკურორტო კომპლექსების მშენებლობის მატერიალურ-ტექნიკური რესურსებით სტაბილური უზრუნველყოფის საქმეში, ასევე "იის-04" სერიის უნიფიცირებული, მაღლივი, კარკასული, ანაკრები რკინაბეტონის ნაკეთობების წარმოების ქარხნული ტექნოლოგიის ათვისების საქმეში; მრავალწლიანი შრომითი საქმიანობისა და დამსახურებისათვის მიღებული ქონდა სახელმწიფო ჯილდოები და საუწყებო საპატიო სიგელები.

წყარო: საქართველოს არქიტექტორთა და მშენებელთა ენციკლოპედია = Encyclopedia of georgian architects and builders = Энциклопедия архитекторов и строителей Грузии. წიგნი 2. -თბ., 2021. -გვ.37-38