ნოდარ ამაშუკელი

დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემიის არქიტექტურის ფაკულტეტი, არქიტექტურის სპეციალობით 1982 წელს.

1982-1983წწ. მუშაობდა საკავშირო საპროექტო ინსტიტუტ "კურორტპროექტის" საქართველოს ფილიალში არქიტექტორად; 1983-1990წწ. მუშაობდა საქართველოს ძეგლთა დაცვის სააგენტოს არქეოლოგიური კვლევის ცენტრიში არქიტექტორად; 1987-1991წწ. შეთავსებით მუშაობდა ზ. წერეთლის შემოქმედებითი სახელოსნოს არქიტექტორად; 1991 წლიდან მუშაობა დაიწყო თბილისის სახელმწიფო სამხატვრო აკადემიაში, არქიტექტურის ფაკულტეტის პედაგოგად; 1996 წელს მიენიჭა დოცენტის სამეცნიერო-პედაგოგიური წოდება, არქიტექტურის სპეციალობით; 1995-1997წწ. იყო თბილისის საქალაქო საბჭოს კრწანისის რაიონული საბჭოს აღმასრულებელი კომიტეტის მთავარი არქიტექტორი; 1997 წელს არჩეულ იქნა თბილისის სახელმწიფო სამხატვრო აკადემიის მონუმენტურ-დეკორატიული ხელოვნების კათედრის გამგედ; 2003 წელს მიენიჭა პროფესორის სამეცნიერო-პედაგოგიური წოდება; 2018 წელს არჩეულ იქნა თბილისის სახელმწიფო სამხატვრო აკადემიის არქიტექტურის ფაკულტეტის დეკანად; საქართველოს კულტურის, მეცნიერებისა და განათლების სამინისტროს არქიტექტურისა და მშენებლობის მიმართულების უმაღლესი გნათლების დარგობრივი საბჭოს წევრია; 2012 წელს იყო ვენეციის მე-13 არქიტექტურის ბიენალეს კურატორი; 2014 წლიდან არქიტექტურის საერთაშორისო აკადემიის პროფესორია; მისი მონაწილეობით დაპროექტებულ იქნა და აშენდა შემდეგი ობიექტები: სასტუმრო "ქარიშხალა" დაბა ბაკურიანში, პიონერთა ბანაკი დაბა ქვიშხეთში, არქეოლოგიური მუზეუმი ქ. ვანში, თბილისის სახელმწიფო სამხატვრო აკადემიის სასწავლო ბაზის პროექტი დაბა მისაქციელში, ნ. ნიკოლაძის სახლ-მუზეუმის რეკონსტრუქცია ქ. ფოთში, დ. ყიფიანის სახლ-მუზეუმის რეკონსტრუქცია დაბა ქვიშხეთში, თოჯინების თეატრი ქ. თბილისში; 2002 წელს საქართველოს პრეზიდენტის ბრძანებულებით გამოცხადებული აქვს მადლობა; ავტორია მრავალი სტატიისა და პუბლიკაციის.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ.44-45

• საქართველოს არქიტექტორთა კავშირი, განათლების კომისიის წევრი
• საქართველოს არქიტექტორთა კავშირი, წევრი (2003-)
• საქართველოს დიზაინერთა კავშირი, წევრი (1988-)

• ღირსების მედალი
  მრავალწლიანი პრაქტიკული პროფესიული და პედაგოგიური საქმიანობისა და დამსახურებისათვის

• კოლხური" და "ფრიგიული" სახლები : vitruvius II,I,4,5 (თანაავტორი). - თბილისი, 1996. - 24გვ.