ყარამან არავიაშვილი

დაბადების ადგილი: სოფელი ბებნისი, ქარელის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამრეწველო და სამოქალაქო მშენებლობის სპეციალობით 1977 წელს.

1961-1969წწ. მუშაობდა ქ. ტყვარჩელის ქვანახშირის მაღაროებში მუშად, ბრიგადირად, ცვლის უფროსად; 1969-1981წწ. ქ. თბილისის მეტროპოლიტენის სამმართველოში სხვადასხვა თანამდებობებზე; 1981-1999წწ. საქართველოს მშენებლობის სამინისტროს №2 სამშენებლო ტრესტის №8 სამშენებლო სამმართველოში სამუშაოთა მწარმოებლად, ამავე სამმართველოს უფროსად; 2000-2015წწ. მუშაობდა შპს "იმკ-91"-ში სამუშაოთა მწარმოებლად; მისი უშუალო მონაწილეობითა და ხელმძღვანელობით აშენდა მრავალი სამრეწველო, სამოქალაქო, საყოფაცხოვრებო და ინფრასტრუქტურული დანიშნულების ობიექტი, მათ შორის: №8 პურის ქარხნის კომპლექსი ქ. თბილისში, კომპანია "მაგთის" საკომუნიკაციო ანძები საქართველოს სხვადასხვა რეგიონებში; მრავალწლიანი შრომითი საქმიანობისა და დამსახურებისათვის მიღებული ჰქონდა საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ.47-48