ლევან აფხაზავა

დაბადების ადგილი: ლანჩხუთის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, ჰიდროტექნიკურ ნაგებობათა მშენებლობის სპეციალობით 1951 წელს.

1941-1945წწ. იბრძოდა მეორე მსოფლიო ომში; მონაწილეობდა ბრძოლებში კავკასიის დაცვისთვის და ქ. კენიგსბერგის აღებაში; უმაღლესი სასწავლებლის დამთავრების შემდეგ მუშაობდა სსრკ ენერგეტიკისა და ელექტროფიკაციის სამინისტროს სამშენებლო-სამონტაჟო ტრესტ "საქჰიდროენერგომშენის" სისტემაში - გუმათის ჰესების კასკადის, "ლაჯანურჰესის", "ხრამჰეს II"-ის, "ჟინვალჰესისა" და "თბილსრესის" მშენებლობაზე - სამუშაოთა მწარმოებლად, უბნის უფროსად, სამშენებლო სამმართველოს მთავარ ინჟინრად და უფროსად; იყო "ენგურჰესის" მშენებლობის სამმართველოს დამხმარე საწარმოთა კომბინატის დირექტორი; 1970-1972წწ. საბჭოთა სპეციალისტების ჯგუფთან ერთად იმყოფებოდა მივლინებაში  სირიის არაბთა რესპუბლიკაში, მდ. ეფრატის ჰიდროკომპლექსის მშენებლობაზე; მრავალწლიანი შრომითი საქმიანობისა და დამსახურებისათვის მიღებული ქონდა საუწყებო ჯილდოები და საპატიო სიგელები. 

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ.51-52; საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 24

• მედალი "კენიგსბერგის აღებისთვის"
• მედალი "1941-1945 წლებში დიდ სამამულო ომში გერმანიაზე გამარჯვებისთვის"
• საქართველოს დამსახურებული ინჟინერი
• მედალი "კავკასიის დაცვისთვის"
• მედალი "საბრძოლო მამაცობისთვის"
• სამამულო ომის I ხარისხის ორდენი
  საბრძოლო მამაცობისა და თავდადებისთვის
• სამამულო ომის II ხარისხის ორდენი
  საბრძოლო მამაცობისა და თავდადებისთვის
• წითელი ვარსკვლავის ორდენი
  საბრძოლო მამაცობისა და თავდადებისთვის