გიორგი მამულაშვილი

2016-2020 წლებში სწავლობდა შავი ზღვის საერთაშორისო უნივერსიტეტის სოციალურ, ჰუმანიტარულ და განათლების მეცნიერებათა ფაკულტეტზე, საერთაშორისო ურთიერთობების მიმართულებით; გავლილი აქვს არაერთი სასწავლო პროგრამა. მათ შორის, 2016 წელს გაერთიანებულ სამეფოში ოქსფორდის უნივერსიტეტის კოლეჯის სასწავლო კურსები; 2019 წელს ორგანიზაცია "კავკასიური სახლის" კავკასიური სახლის სახალხო უნივერსიტეტის ერთწლიანი პროგრამის კურსდამთავრებული; არის საქართველოს პოლიტიკის ინსტიტუტის "მომავალ ლიდერთა სკოლის" (ELS) კურსდამთავრებული, 2020 წელს.

2014 წლის 8 სექტემბერს დააფუძნა ორგანიზაცია "ევროპული ახალგაზრდული ცენტრი", რომლის მიზანია ახალგაზრდების ჩართულობისა და მონაწილეობის გაზრდა საქართველოს ევროპული და ევრო-ატლანტიკური ინტეგრაციის პროცესში; მოგვიანებით, მისივე ინიციატივით 2015 წლის 29 აგვისტოს დაფუძნდა "საქართველოს ახალგაზრდული ევრო-ატლანტიკური კოალიცია"; 2016-2017 წლებში იყო ევროპული და ევრო-ატლანტიკური ინტეგრაციის საკითხებში სახელმწიფო მინისტრის აპარატთან არსებული ახალგაზრდული საბჭოს წევრი, კოორდინატორი; იმავე პერიოდში, 2016 წლის დეკემბრიდან ევროკომისიის პროგრამის ფარგლებში, ევროკავშირის ახალგაზრდა ელჩი საქართველოში; 2019 წლის 19 ნოემბერს მიენიჭა "საქართველოს ევროპისმცოდნეთა ასოციაციის" საპატიო წევრის სტატუსი, ორგანიზაციის დაფუძნებისა და განვითარების პროცესში შეტანილი განსაკუთრებული წვლილისთვის; 2020 წლის იანვრიდან საქმიანობს "რეგიონალური კვლევების ცენტრში"- საერთაშორისო უსაფრთხოების კვლევების მიმართულებით; არის პროექტის "აზერბაიჯანული და სომხური თემების წარმომადგენელი ახალგაზრდების ცნობიერების ზრდისა და ჩართულობის ხელშეწყობა საქართველოს ნატო-ში ინტეგრაციის პროცესებში" თანაავტორი, რომელიც განხორციელდა 2021 წელს საქართველოში აშშ-ის საელჩოს მხარდაჭერით; 2021 წლის 3 აპრილიდან პლატფორმის "ახალგაზრდები ნატო-ში ინტეგრაციისთვის" თანადამფუძნებელი; არის ტრენერი საგარეო პოლიტიკის საკითხებზე, რამდენიმე სასწავლო კურსის ხელმძღვანელი. 

• ევროპული ახალგაზრდული ცენტრი, დამფუძნებელი, ხელმძღვანელი (2014-)
• პლატფორმა ახალგაზრდები ნატო-ში ინტეგრაციისთვის, თანადამფუძნებელი (2021-)
• რეგიონალური კვლევების ცენტრი, მკვლევარი (2020-)
• სამოქალაქო ინიციატივების პლატფორმა, წევრი (2015-2016)
• საქართველოს ახალგაზრდული ევრო-ატლანტიკური კოალიცია, თავმჯდომარე (2015-)
• საქართველოს ევროპისმცოდნეთა ასოციაცია, საპატიო წევრი (2019-)