გივი ბარაბაძე

დაბადების ადგილი: სოფელი კუხი, ხონის რაიონი.

დაამთავრა საქართველოს პოლიტექნიკური ინსტიტუტი, ინჟინერ-მექანიკოსის კვალიფიკაციით 1950 წელს.

ინსტიტუტის დამთავრების შემდეგ მუშაობა დაიწყო გაერთიანება "თბილმეტრომშენის" სისტემაში, სადაც იმუშავა 45 წლის განმავლობაში; მუშაობდა ელექტრო-მექანიკოსად, სამმართველოს მთავარ მექანიკოსად, რკინაბეტონის ქარხნის დირექტორად, №32 საგვირაბო რაზმის უფროსად; მისი მონაწილეობით აგებული იქნა ზესტაფონი-ჭითურის 20-მდე სარკინიგზო გვირაბი, შავი ზღვის სანაპირო სარკინიგზო და საგზაო გვირაბები, თბილისის მეტროპოლიტენი.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ.57

• საქართველოს დამსახურებული ინჟინერი