ანა ბიბილაშვილი

დაბადების ადგილი: ქ. ზესტაფონი.

დაამთავრა საქართველოს ტექნიკური უნივერსიტეტი არქიტექტურის, ურბანისტიკისა და დიზაინის ფაკულტეტი; აქვს მაგისტრის ხარისხი და ასისტენტ-პროფესორის აკადემიური წოდება.

2018 წელს ლისაბონის უნივერსიტეტში სადოქტორო პროგრამის ფარგლებში ქალაქის მწვანე ქსელის ფორმირებისა და ეკოლოგიის მიმართულებით კვლევებზე მუშაობდა; 2007-2012წწ. ამერიკულ ტექნოლოგიებზე დაფუძნებულ სამშენებლო კომპანიაში მუშაობდა მთავარ არქიტექტორად; 2012 წელს დააფუძნა არქიტექტურული სტუდია "ბიბი"; 2015 წელს საქართველოს ტექნიკურ უნივერსიტეტში ეკავა არქიტექტურის მიწვეული პედაგოგის, წამყვანი სპეციალისტის პოზიცია; 2017 წელს საქმიანობდა არასამთავრობო ორგანიზაცია - "პოლონეთის სოლიდარობის ფონდში" მოქალაქეთა ჩართულობისა და თანამონაწილეობითი დაგეგმარების ურბანულ ექსპერტად; 2017 წელს აგრეთვე მუშაობდა მარნეულის მუნიციპალიტეტის გამგეობაში; 2018 წელს დააფუძნა სტუდენტთა განვითარების ფონდი, რომელიც არქიტექტურის ფაკულტეტის სტუდენტების დასაქმებისა და მათი საერთაშორისო კონკურსებში მონაწილეობის მიმართულებით მუშაობდა. პარტია "ლელოს" თბილისის მერობის კანდიდატი 2021 წლის ადგილობრივი თვითმმართველობის არჩევნებში.

წყარო: ამომრჩევლების ვებგვერდი - პარტიები: partiebi.ge