დათა გულუა

დაბადების ადგილი: ქ. თბილისი.

დაამთავრა თბილისის I კლასიკური გიმნაზია 2002 წელს და წარმატებით ჩააბარა ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო სამართლის ფაკულტეტზე.

ახალგაზრდა პოეტის გარდაცვალების შემდეგ აღმოჩენილი ორასამდე ხელნაწერი ლექსის საფუძველზე გამოიცა მისი კრებულები "დავბრუნდი თქვენთან" - 2004 წელს, "მე მაინც მიყვარს ის სასწაული, თეთრი კვიცივით უცებ რომ გარბის"... - 2009 წელს (გამომცემლობა "პეტიტი"), პოეტის შემოქმედება ითარგმნა დანიაში, შვედეთში, ესტონეთში, ბულგარეთსა და რუსეთში; 2009 წლის აგვისტოში მწერალთა და მთარგმნელთა საერთაშორისო ფესტივალზე დათა გულუას მიენიჭა ოქროს მედალი, ნომინაციაში "სიტყვიერების დიდოსტატი" ("Мастер Словестности"), მაღალი პროფესიონალიზმის, ლიტერატურისა და ნაციონალური კულტურის განვითარებისა და წინსვლის საქმეში შეტანილი წვლილისათვის; მწერალთა კავშირის გადაწყვეტილებით, დათა გულუას ლექსები შეტანილია "ქართული პოეზიის ანთოლოგიაში"; მისი შემოქმედება უფრო ფართო მასებისათვის ცნობილი გახდა მისი გარდაცვალების შემდეგ; 18 წლის ასაკში 2003 წლის 27 ოქტომბერს გარდაიცვალა ავტოკატასტროფაში; 2015 წლის 27 ოქტომბერს ნარიყალაზე მიმავალ ქუჩას "დათა გულუას აღმართი" ეწოდა.

წყარო: პირველი ქართული ვებგვერდი კულტურასა და ხელოვნებაზე: არტინფო: artinfo.ge; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ. 102

• ახალგაზრდა პოეტები : ასი ლექსი (ავტორი). - თბილისი, ინტელექტი, 2010. - 172გვ.. - ISBN: 9789941420092
• მე მაინც მიყვარს ის სასწაული, თეთრი კვიცივით უცებ რომ გარბის : ლექსები (ავტორი). - თბილისი, პეტიტი, 2009. - 203გვ.. - ISBN: 9789941911255
• დავბრუნდი თქვენთან : ლექსები (ავტორი). - თბილისი, სეზანი, 2004. - 215გვ.. - ISBN: 999286625X