ბადრი გუგუშვილი

დაბადების ადგილი: ქ. თბილისი.

პროფესიით მშენებელი–ინჟინერი იყო; წერა გვიან დაიწყო; მუშაობდა მთარგმნელობით კოლეგიაში; 1980 წლიდან მონაწილეობდა მრავალ ლიტერატურულ თუ პოლიტიკურ აქციაში; პოეზიაში ქართველ 90-იანელთა ერთ-ერთი ცენტრალური ფიგურა, "ხორცის მუზის" ავტორი ბადრი გუგუშვილი სიცოცხლის ბოლომდე ხატავდა და თავის პოეტურ კრებულებსაც გრაფიკულად თავად აფორმებდა; იყო ჟურნალ – "იახსარის" დამფუძნებელი; 1990-1993 წლებში მან გამოსცა ხუთი წიგნი, ბეჭდავდა ლექსებს ჟურნალებში და მონაწილეობდა ვიდეოგამოცემებში: "პოლილოგი", "დათო ბარბაქაძის ჟურნალი"; პირველად "ხორცის დედოფალი" 1993 წელს დაიბეჭდა; 2013 წელს თბილისში ისევ გამოიცა მისი ლექსების წიგნი – "ხორცის დედოფალი"; სიცოცხლის ბოლო პერიოდი გაატარა სოფელ დიღომში საკუთარ აგარაკზე.

წყარო: ლიტერატურული პორტალი: literature.iliauni.edu.ge; ლიტერატურული ფორუმი "არმური": armuri.georgianforum.com; ketevanjervalidze.wordpress.com; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ. 101

• ხორცის დედოფალი : პოემა (ავტორი). - თბილისი, ლევან კავლელის გამ-ბა, 2013. - 74გვ.
• გზა განწმენდისა (ავტორი). - თბილისი, რუბიკონი, 1993. - 32გვ.
• ხორცის მუზა : პოემები (ავტორი). - თბილისი, რუბიკონი, 1993. - 72გვ.
• შენდამი უფალო... : ლექსები (ავტორი). - თბილისი, სტ. N1, 1992. - 31გვ.
• შენს გვერდით მდგომი ადამიანი : ლექსები (ავტორი). - თბილისი, ნაკადული, 1991. - 55გვ.
• დღე კაცისა : ლექსები (ავტორი). - მერანი , სტ. N1, 1990. - 72გვ.