ამირან ბახტაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამრეწველო და სამოქალაქო მშენებლობის სპეციალობით 1966 წელს.

1966-1975წწ. მუშაობდა ამიერკავკასიის რკინიგზის სამმართველოს №2 საგზაო სამშენებლო-სარემონტო ტრესტის სამტრედიის სამშენებლო სამმართველოში, რკინიგზის სამოქალაქო ნაგებობათა დისტანციის ინჟინრად, სამუშაოთა მწარმოებლად, უფროს სამუშაოთა მწარმოებლად; 1975-1980წწ. საქართველოს კომუნალური მეურნეობის სამინისტროს სამშენებლო-სარემონტო ტრესტის სამტრედიის სამშენებლო-სარემონტო სამართველოს მთავარ ინჟინრად; 1980-1982წწ. იყო სამტრედიის რაიონის კომუნალური მეურნეობის საწარმოთა კომბინატის უფროსი; 1982-1987წწ. საქართველოს სასოფლო მშენებლობის სამინისტროს სამშენებლო გაერთიანება "საქკოლმშენის" სამტრედიის საკოლმეურნეობათაშორისო სამშენებლო ორგანიზაციის თავმჯდომარე; 1987-1991წწ. საქართველოს კომუნალური მეურნეობის სამინისტროს სამტრედიის რაიონის საბინაო-კომუნალური მეურნეობის სამმართველოს უფროსი; 1992-1000წწ. გადაყვანილ იქნა ქ. სამტრედიის საქალაქო საბჭოს აღმასკომის თავმჯდომარის პირველ მოადგილედ; მისი უშუალო მონაწილეობითა და ხელმძღვანელობით განხორციელდა ამიერკავკასიის რკინიგზის სამმართველოს სისტემის, მრავალი სამოქალაქო, სამრეწველო და საგზაო დანიშნულების ობიექტების დაპროექტება და მშენებლობა, მათ შორის: სარკინიგზო ხაზების გვირაბებისა და ხიდების, აფხაზეთში - ქ. გალისა და ქ. ოჩამჩირის სკოლების; ასევე სასოფლო-სამეურნეო დანიშნულებისა და კომუნალური მეურნეობის მთელი რიგი ობიექტების მშენებლობა და ექსპლუატაცია; ქ. ლანჩხუთის საფეხბურთო სტადიონის მშენებლობა და სხვა; მრავალწლიანი შრომითი საქმიანობისა და დამსახურებისათვის მიღებული ჰქონდა საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ.64