ვლადიმერ ღლონტი

დაბადების ადგილი: ქ. ქობულეთი.

დაამთავრა ბათუმის შოთა რუსთაველის სახელმწიფო უნივერსიტეტი ფიზიკის სპეციალობით 1996 წელს, ხოლო 2001 წელს - ფინაბსებისა და კრედიტის სპეციალობით.

1996 -2001წწ. - ბათუმის შოთა რუსთაველის სახელმწიფო უნივერსიტეტის გამოყენებითი მათემატიკისა და  ინფორმატიკის  კათედრის ინჟინერ-პროგრამისტი, თეორიული ფიზიკის კათედრის მასწავლებელი, უფროსი მასწავლებელი, დოცენტი; 1997-2004წწ. - ბათუმის შოთა რუსთაველის სახელმწიფო უნივერსიტეტის რექტორის თანაშემწე;  2001-2004წწ. იყო აჭარის ავტონომიური რესპუბლიკის პარლამენტის დეპუტატი და კონსტიტუციურ საკითხთა, კანონიერებისა და მართლწესრიგის განმტკიცების კომიტეტის თავმჯდომარის მოადგილე; 2004 წელს - ბათუმის შოთა რუსთაველის სახელმწიფო უნივერსიტეტის ხარისხის მართვის ცენტრთან არსებული მეთოდური საბჭოს ხელმძღვანელი; 2001-2006წწ. - ბათუმის შოთა რუსთაველის სახელმწიფო უნივერსიტეტის კომპიუტერულ  მეცნიერებათა დეპარტამენტის დოცენტი; 2006- 2009წწ. - ამავე უნივერსიტეტის ასოცირებული პროფესორი; 2012-2013წწ. - სოციალურ მეცნიერებათა, ბიზნესისა და სამართალმცოდნეობის ფაკულტეტის ხარისხის უზრუნველყოფის სამსახურის ხელმძღვანელი; 2013-2014წწ. - ფინანსების, აღრიცხვისა და აუდიტის დეპარტამენტის ხელმძღვანელი; 2014 წელს - ეკონომიკისა და ბიზნესის ფაკულტეტის დეკანის მოვალეობის შემსრულებელი; 2014-2021წწ. - ეკონომიკისა და ბიზნესის ფაკულტეტის დეკანი; 2009 წლიდან - ბათუმის შოთა რუსთაველის სახელმწიფო უნივერსიტეტის პროფესორი; 2018-2021წწ. - ეკონომიკისა და ბიზნესის ფაკულტეტის დეკანი; 2021 წლიდან - ბათუმის შოთა რუსთაველის სახელმწიფო უნივერსიტეტის ხარისხის უზრუნველყოფის სამსახურის ხელმძღვანელი; 2023 წლიდან ასევე არის განათლების ხარისხის განვითარების ეროვნული ცენტრის ფინანსები, საბანკო საქმე და დაზღვევის უმაღლესი განათლების დარგობრივი საბჭოს თავმჯდომარე; მისი სამეცნიერო ინტერესები მოიცავს ფინანსებს, ფულის მიმოქცევას, კრედიტსა და რეგიონულ ფინანსებს; გამოქვეყნებული აქვს სამეცნიერო ნაშრომები საერთაშორისო რეფერირებად ჟურნალებში, რომლებიც ინდექსირებულია WoS და Scopus მეტრიკულ ბაზებში; მისი კვლევები ეხება ისეთ საკითხებს, როგორიცაა რეგიონული ეკონომიკის განვითარება, ბიზნეს მოდელების ტრანსფორმაცია, რისკების მართვა და ფინანსური პოლიტიკა; არის სამი მონოგრაფიის ავტორი/თანაავტორი: "საქართველოს ეკონომიკის კონკურენტუნარიანობა: თანამედროვე გამოწვევები" (2012), "რეგიონი: ანალიზი, შეფასება, პერსპექტივები" (2007) და "Переходный период: социально-экономические проблемы регионального развития" (2003); აქტიურად მონაწილეობს საერთაშორისო სამეცნიერო კონფერენციებში და ჩართულია სხვადასხვა სამეცნიერო და საგანმანათლებლო საგრანტო პროექტებში, მათ შორის Erasmus+ პროგრამის პროექტებში, როგორიცაა "Development of Soft Skills at Higher Education Institutions of Armenia and Georgia" და "Responsible Conduct of Research – Research Integrity and Ethics in Georgian Universities"; 1998-2000 და 2005-2007 წლებში დაჯილდოებული იყო საქართველოს საქართველოს პრეზიდენტის სტიპენდიით ახალგაზრდა მეცნიერთათვის; ევროპის სამეცნიერო-სამრეწველო კონსორციუმის ორდენით "შრომითა და ცოდნით" (2013). ფიზიკა-მათემატიკის მეცნიერებათა კანდიდატი (1998), ეკონომიკის მეცნიერებათა დოქტორი (2006), პროფესორი.

სადოქტორო დისერტაციის თემა - "საბაზრო ურთიერთობებზე გარდამავალ პერიოდში აჭარის ავტონომიური რესპუბლიკის საფინანსო-ეკონომიკური განვითარება", დაიცვა 2006 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.536; ბათუმის შოთა რუსთაველის სახელმწიფო უნივერსიტეტი: bsu.edu.ge

• საქართველოს ეკონომიკის კონკურენტუნარიანობა : თანამედროვე გამოწვევები : მონოგრაფია (თანაავტორი). - თბილისი, უნივერსალი, 2012. - 206გვ. . - ISBN: 9789941174735
• საქმიანი თამაშები კორპორაციულ მართვაში = Business games in corporativ managemen : სასწ.-მეთოდ. სახელმძღვ. (რედაქტორი). - თბილისი, 2007. - 170გვ.
• Переходный период : Социально-экономические проблемы регионального развития : Социально-экономические проблемы регионального развития (ავტორი). - Батуми, Аджара, 2003. - 285с.. - ISBN: 9994070797