ქეთევან ელისაბედაშვილი

დაამთავრა თბილისის სახელმწიფო უნივერსიტეტის ფილოლოგიის ფაკულტეტი.

სხვადასხვა დროს მუშაობდა საბავშვო ბაღის პედაგოგად, უნივერსიტეტის ბიბლიოთეკარად, ქართული ენისა და ლიტერატურის მასწავლებლად. ლიტერატურული მოღვაწეობა დაიწყო 1936 წელს, აქვეყნებდა მოთხრობებს  ჟურნალ-გაზეთებში; მისი საბავშვო მოთხრობები ცალკე წიგნადაც ("დოლის პური") გამოიცა. ქეთევან ელისაბედაშვილს ეკუთვნის ბალეტ "მახარეს" ლიბრეტო. დაწერა მოთხრობა "ყრმობა" სოსო ჯუღაშვილზე (სტალინი), წიგნი გამოსცა "საბჭოთა მწერალმა" 1947 წელს.

წყარო:  ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.48; ქეთევან ელისაბედაშვილი : მწერალი. 1911-1989. ნეკროლოგი // თბილისი. - თბ., 1989. - 26 დეკემბერი. - გვ.6

• დოლის პური : მოთხრობა (ავტორი). - თბილისი, საბლიტგამი, 1952. - 32გვ.
• ყრმობა : მოთხრობა (ავტორი). - თბილისი, საბჭოთა მწერლის გამ-ბა და სტ., 1947