ლელა ალექსიძე

დაამთავრა თბილისის სახელმწიფო უნივერსიტეტის ფილოლოგიის ფაკულტეტი, კლასიკური ფილოლოგიის კათედრა 1982 წელს.

1982-1987წწ. - თბილისის სახელმწიფო უნივერსიტეტი, ფილოლოგიის ფაკულტეტი, ძველი ქართული ენის კათედრასთან არსებული ათონის ძველი ქართული ხელნაწერების შემსწავლელი სამეცნიერო-კვლევითი ლაბორატორია "ორიონი", ლაბორანტი, შემდეგ მეცნიერ-თანამშრომელი; 1985-1998წწ. - ამავე უნივერსიტეტის ფილოსოფიის ფაკულტეტი, უფროსი მეცნიერ-თანამშრომელი, ლექტორი; 1985-1987წწ. და 2006-2009წწ. - საქართველოს მეცნიერებათა აკადემიის ფილოსოფიის ინსტიტუტის მეცნიერ-თანამშრომელი; ამავე ინსტიტუტის უფროსი მეცნიერ-თანამშრომელი; 1992-1993წწ. - სახელშეკრულებო სამუშაო გიოტინგენის მეცნიერებათა აკადემიის პატრისტიკის კომისიის დაკვეთით არეოპაგიტული კორპუსის სქოლიოების ქართული და ბერძნული ვერსიების მიმართებაზე; 1998-2006წწ. - თბილისის სახელმწიფო უნივერსიტეტი, ფილოსოფიის ფაკულტეტი, პროფესორი; 2006-2017წწ. - თბილისის სახელმწიფო უნივერსიტეტის სრული პროფესორი, ჰუმანიტარული ფაკულტეტი, ფილოსოფიის ინსტიტუტი. კვლევის სფერო: ანტიკური ნეოპლატონიზმი; პლატონიზმის ისტორია, პეტრიწის ფილოსოფია; ორფიზმის ნეოპლატონური ინტერპრეტაცია; ანტიკური ფილოსოფიის გავლენა შუა საუკუნეებისა და რენესანსის ფილოსოფიაზე, მათ შორის ბიზანტიურ და ქართულ ფილოსოფიურ აზრზე; პატრისტიკის ფილოსოფიური ასპექტები. მიღებული აქვს არაერთი საერთაშორისო გრანტი; მოხსენებები აქვს წარდგენილი 30-მდე საერთაშორისო კონფერენციაზე, არის 4 წიგნის, არაერთი პუბლიკაციისა და 14 სალექციო კურსის ავტორი. ფილოსოფიის მეცნიერებათა დოქტორი (1997), თბილისის სახელმწიფო უნივერსიტეტის სრული პროფესორი. 

სადოქტორო დისერტაციის თემა - "ანტიკურობა და ქრისტიანობა: ბერძნული ფილოსოფია იოანე პეტრიწისა და (ფსევდო) მაქსიმე აღმსარებლის კომენტარებში", დაიცვა 1997 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.544; თბილისის სახელმწიფო უნივერსიტეტი: old.tsu.ge

• ალექსანდერ ფონ ჰუმბოლდტის ფონდის კლუბი, წევრი
• ბიზანტინოლოგების საერთაშორისო საზოგადოება, ქართული სექციის წევრი
• პატროლოგიის საერთაშორისო საზოგადოება, იქართული სექციის წევრი
• საერთაშორისო ნეოპლატონური კვლევების საზოგადოება (International Society for Neoplatonic Studies, ISNS), წევრი

• 2011 - იოანე პეტრიწის სახელობის პრემია (საქართველოს მეცნიერებათა ეროვნული აკადემია)

• ენა, კულტურა, ფილოსოფია = Language, Culture, Philosophy (თანაავტორი). - თბილისი, მერიდიანი, 2016. - 250გვ.. - ISBN: 9789941252150
• ამოსავალი პრინციპები გონითი სინამდვილისთვის ("სენტენციები") = Sententiae ad intelligibilia ducentes/პორფირიოსი (მთარგმნელი). - თბილისი, პროგრამა "ლოგოსი", 2013. - 181გვ.. - ISBN: 9789941437427
• მეშვიდე წერილი/პლატონი (მთარგმნელი). - თბილისი, ლოგოსი, 2011. - 100გვ.. - ISBN: 9789941437014
• ნეოპლატონური ფილოსოფია პლოტინი და იამბლიქოსი = Neoplatonic philosophy Plotinus and Lamblichus: ტექსტები, თარგმანები, განმარტებები (ავტორი). - თბილისი, ლოგოსი, 2009. - 227გვ. . - ISBN: 9789941401374
• იოანე პეტრიწი და ანტიკური ფილოსოფია = Ioane Petrizi und die antike Philosophie (ავტორი). - თბილისი, თბილ. უნ-ტის გამ-ბა, 2008. - 388გვ. . - ISBN: 9789941130137
• სტოქასტურ სისტემასთან დაკავშირებული სტატისტიკური სტრუქტურები (თანაავტორი). - გორი, გორის უნ-ტის გამ-ბა, 2005. - 200გვ.. - ISBN: 9992881321